O’zbekstan Respublikası baylanıs, informatsiyalastırıw ha’m telekommunikatsiya texnologiyaları ma’mleketlik komitetinin’ 2014 jıl 7 yanvardag’ı 8-sanlı buyrıg’ına tiykarlanıp, 2012/2013-oqıw jılında oqıwda erisken joqarı jetiskenlikleri, ko’rsetkishleri ha’m ja’miyetlik jumıslardag’ı belsendiligi ushın bir topar TİTU ha’m onın’ filialları studentleri Komitet stipendiyasının’ jen’impazı boldı.

1. R. Klichxanov – Telekommunikatsiya texnologiyaları fakulteti 2-kurs magistrı;
2. İ. İbragimov - Telekommunikatsiya texnologiyaları fakulteti 4-kurs studenti;
3. S. Matchonov – İKT tarawında ekanomika ha’m menedjment fakulteti 4-kurs studenti;
4. B. Abduxalilov - Telekommunikatsiya texnologiyaları fakulteti 2-kurs magistrı;
5. J. Axmedjanov - Telekommunikatsiya texnologiyaları fakulteti 4-kurs studenti;
6. E. En – Televiziyalıq texnologiyalar fakulteti 4-kurs studenti;
7. A. Tumaeva – TİTU No’kis filialı “Kompyuter injiniringi” fakultetinin’ Telekommunikatsiya qa’nigeligi 4-kurs studenti;
8. A. Yuldashev – TİTU Samarqand filialı “Kompyuter injiniringi” fakulteti 4-kurs studenti.

Olardın’ ha’r qaysısına 1 mln. 295 mın' swmnan beriledi.

TİTU No’kis filialı studenti O’zbekstan Respublikası baylanıs, informatsiyalastırıw ha’m telekommunikatsiya texnologiyaları ma’mleketlik komitetinin’stipendiyasın qolg’a kiritken A. Tumaeva menen sa’wbetlestik.

- Men bul stipendiyanı qolg’a kiritkenimnen ju’da’-ju’da’ quwanıshlıman, men ushın ku’tilmegen quwanısh boldı. Bul stipendiya meni o’z u’stimde ja’nede ku’ni-tu’ni tınbay islewge ruwxlandıradı – deydi A. Tumaeva.

Bizde o’z gezeginde usı sıylıq penen qutlıqlap, keyingi oqıwlarında jetiskenlikler ha’m tabıslar tileymiz.