2013 jıldın’ 20 iyul ku’ni Tashkent informatsiya texnologiyaları universiteti No’kis filialında pitkeriwshilerge diplom tapsırıw ma’resimi boldı.

Bul bilim da’rgayı 2005 jıldan baslap o’z iskerligin basladı. Al 2009 jıldın’ sentyabr ayında universitet filialının’ jan’a oqıw imaratı zamanago’y arxitekturalıq u’lgide salıp pitkerilip, paydalanıwg’a tapsırılg’an edi. Bul bilim da’rgayında informatsiyalıq ha’m telekommunikatsiyalıq texnologiyalar (IT) tarawındag’ı qa’niygelerdi jetilistiredi. Studentler ushın barlıq imkaniyatlar jaratılg’an.



Usı jılı TİTU No’kis filialın 93 student to’mendegi qa’niygelikler boyınsha pitkerdi:
• İnformatika ha’m informatsiyalıq texnologiyalar (tarawlar boyınsha);
• Ka’siplik ta’lim: informatika ha’m informatsiyalıq texnologiyalar;
• İnformatsiyalıq servis;
• Telekommunikatsiya.

Pitkeriwshilerge diplom tapsırıw ma’resimi joqarı ko’terin’kilik da’rejede o’tkerildi. Pitkeriwshilerdi IT (informatsiyalıq texnologiyalar) tarawındag’ı qa’niygeler, filial professor oqıtıwshıları qutlıqlap, olardın’ keyingi jumıslarında tasqın tabıslar tiledi. Filial ziyrek studentlerinin’ kontsert bag’darlaması, a’sirese Iqlas Bekimbetov ta’repinen atqarılg’an TATU qosıg’ı ha’r bir pitkeriwshiler qa’lbinde umıtılmas waqıya bolıp qaldı ha’m to’rt jıl dawamındag’ı altın da’wir qızıqların eske aldı. Solay etip TİTU No’kis filialının’ 7-qarlıg’ashları qanat qaqtı.


B. Kalmuratov