TİTU ha’m onın’ aymaqlıq filialların kompyuterlestiriw, materillıq texnikalıq bazasın bayıtıw, ja’nede kompyuter klassları menen ta’miyinlew maqsetinde 2011 jılda TİTU 158, Ferg’ana filialı 18, Samarqand filialı 12, Qarshı filialı 12, U’rgenish filialı 23, No’kis filialı 20 kompyuter menen ta’miyinlendi.

TİTU No’kis filialında aralıqtan oqıtıwdı a’melge asırıw ushın Huawei kompaniyasının’videoterminal u’skeneleri ha’m server marshurtizatorları ornatıldı ha’m de oqıw protsesslerine engizildi. TİTU ta’jiriybeli professor oqıtıwshıları ha’ptesine 8 saattan filial studentlerine informatsiya texnologiyaları ha’m programmalastırıw tilleri boyınsha sabaqlar alıp barılmaqta. Universitettin’ ta’jiriybeli professor oqıtıwshıları ta’repinen videokonferents-baylanıs arqalı lektsiyalar o’tilmekte.

Ha’zirgi waqıtta TİTU No’kis filialında 2 videokonferentsiya xanaları bar. Birinshi videokonferentsiya xanası TİTU ha’m onın’ filialları jalg’ang’an bolıp bunda aralıqtan oqıtıw protsesi TİTU ha’m onın’ aymaqlıq filialları arasında a’melge asırıladı.

Al ekinshi xana "Milliy elektron bilimlendiriw tarmag’ı" arqalı jalg’ang’an bolıp bul tarmaq O’zbekstandag’ı joqarı oqıw orınları arasındag’ı baylanıstı ta’miyinleydi.

Filial videokonferentsiya xanaları zamanago’y texnologiyalar menen u’skenelengen. Bul konferents xanalar arqalı ha’r bir adam tek g’ana du’nya boylap baylanısıw (sa’wbetlesiw) g’ana emes al video qon’ırawlardı da a’melge asırıwı da mu’mkin. Videokonferents xanası zamanago’y texnologiyalardan: HD kamera, kalonka, mikrofon, ekran, videoterminal, proektor ha’m server qurılmalarının’ son’gı modellerinen paydalanılg’an.

Videokonferentsiya xanasında sonday-aq respublika boyınsha o’tkeriletug’ın ilimiy jıynalıslar, za’ru’r ushırasıwlar ha’m xalıqaralıq bilimlendiriwge baylanıslı a’njumanlar tuwrıdan-tuwrı alıp beriledi, ha’m olar tikkeley qatnasa aladı. Bunda waqıt, aqsha ha’m aralıq mashqalaları sheshiledi ha’m ko’p sanlı qatnasıwshılar qatnasıwı mu’mkin.

Juwmaqlap aytqanda, videokonferents baylanıstın’ en’ u’lken qolaylılıg’ı bul alıstı jaqın qılıp tikkeley videobaylanıstı a’melge asırıw bolıp tabıladı.