Altın gu’z. A’tirap suw quyg’anday tınıshlıq. Gu’zar jol boylap ju’rip barar ekenmen qulag’ıma “ketpe”, “sabır et” – degen nalısh eles-eles estile berdi.
Sılt ete toqtap, anıq esitiw ushın pu’tkil denemdi qulaq qılıp ser saldım. Bul hawaz, toqta, toqta… birin-biri qıymay, ayrılıqqa qarsılasqan ashıqlardın’ kewil nalası emespa?
- Ja’ne bilmedim.
- Lekin, hayranman qay ta’repten kelmekte?
- Olar kim?
- Ya, menin’ qıyalımdama?
- Ba’lkim, son’g’ı waqıtları su’yip, su’yiliw haqqında ko’p shıg’armalardı oqıg’anımnan shıg’ar.
- … “Ketpe, ketpe iltimas”, “Qolımdı bekkem tut, jazıla ketpesin”. Qayta-qayta esitilip atırg’an bul ses qay ta’repten shıg’ıp atır bunı bile almay na’zerim ha’r ta’repti go’zleydi.
- Demek, muhabbattın’ sıyqırlı sazı menide pu’tkilleyine biylemekte.
- Qoy, bul menin’ qıyalımda, jalg’ız qıyalımda dew menen jol shetindegi orındıqqa barıp otırdım. A’tirapta qıymıldag’an jan joq. Tek g’ana jerge birinen son’ biri a’ste to’selep atırg’an japıraqlardın’ shıtrlısı, samal jelisinen oyıng’a tu’sip atırg’an tereklerdin’ shıyqıldısı jag’ımsız estiledi. Sol ma’ha’l “bul tag’dir”, “biz a’lbette, birge bolamız” – degen u’mitli so’zler ja’ne qulag’ım tu’binde jan’ladı. Ha’m ko’zim terek shaqasınan u’ziler aldında turg’an qosarlasqan eki japıraqqa tu’sti. Uzaq tigile …
- Taptım!, taptım! – dep ishimnen eriksiz quwandım. Lekin, olardın’ ayanıshlı halatı ju’regimdi qayg’ının’ tar ko’shesinen aralattı. Ta’biyat o’zinin’ son’g’ı hu’kimin oqıp bitken demde, ja’g’ımsız esken samal ja’llad kibi ashıqlardı jasaw huqıqınan ayırdi. A’tten’, u’zilmewden basqa ne ilaj. Ta’biyat, samal o’z ha’reketleri zayag’a ketpegenine, ashıqlar muhabbatına saya salıp, ayralıq otına taslag’anınan o’zliginen quwanıshta.
- Shınında da, qarsılıqlarg’a tolı gu’reste kim jen’di? – bul soraw meni
teren’liklerge qaray ju’zlendirdi. Ta’biyat, samal ha’m ashiqlar …Durıs, ta’biyat ha’m samal terekti japıraqtan, japıraqtı bolsa o’mirden ayırdi. Lekin, ashıqlardı ayıra aldima?
- Yaq, tag’dir sınawı, ayawsız gu’res muhabbatqa, pa’k sezimlerge tosqınlıq ete almadı.
Sebebi, muhabbat ma’n’gi. Ashıqlar gu’zar jolda ma’rdanalıq penen ko’klerge bag’ıp, quyashtın’ mehirge tolı nurınan na’r alıp, ekinshi o’mirdin’ baxıtlı ma’writleri ha’m jen’ilgen jen’isinen razı edi. Muhabbat – bul muhaddes tuyg’ı. Ol ya ma’ka’n, ya ju’rek, ya ma’wsim tan’lamastan biz benen sizge o’mirlik joldas. Muhabbat sonın’day go’zzal, sonın’day qu’diretli. Onın’ aldında bas iymestey jan joq. Ha’r birimiz o’zligimiz ha’m o’zligimiz pidayıları ushın artqa sheginbeyik! O’mir – sınaw maydanı, sınawlar bolsa, sabır-taqatımız egewi.
Bul egew hesh qashan muhabbatımızdı jemire almasın! Muhabbatımızdı asırayıq!
Seytnazarova Gu’ljahan.
Jasaw zawqı
Bu’gin … Ha’r ku’ni quyash insanlarg’a o’zinin’ saqıylıg’ı menen jaqtılıq nurların ina’m eter eken, a’lemge go’zzallıq taralg’an sıyaqlı bir-birimizge na’zer taslasaq, kewil...
Sezimler ma’mleketi (gu’rrin’)
Bir ku’ni Muhabbat ha’m Ayralıq ushırasıp qalıptı. Olar bul du’nyada qaysı biri hu’kimran ekenligi jo’ninde ko’p tartısıptı. Ayralıq Muhabbatqa so’z bermey, barlıq...
Men izlegen ko’zler
Muhabbat haqqında so’z barar eken meni o’zgeshe sezimler biylep, sol bayag’ı awıldag’ı qarapa’ren’ qız ha’m onın’ mag’an bolg’an pa’k sezimleri oyımdı ba’ntleydi....
Men baxıtlıman
Du’nya go’zzal, o’mir tatlı, a’sirese, ba’ha’r ma’wsiminde ta’biyat go’zzallıqlar ko’zin’e mın’ tu’rli ren’de ra’n’-ba’ren’ bolıp ko’rinedi. Ba’ha’r muhabbat paslı, o’mirimizdin’ ba’ha’ri bolsa –...
Muhabbatın’nan
Aspan mısal sheksiz oylarım, Boyların’a jetti boylarım, Mag’an bolg’an muhabbatın’nan, Quyarlıg’ın taptı saylarım....
