Биз бүгинги күнде көп ядролы процессорлар, кең мүмкиншиликлерге ийе сенсорлар ямаса “ақыллы” технологиялар, ҳәр түрли функциялы гаджетлер ҳаққында еситкенимизде ямаса көргенимизде ҳайран қалмаймыз. Себеби, бағдарламашылардың шебер қолы ендигидей былай техниканың мониторына да өзгерислер кирите баслады. Ал бүгинги күнниң “ең зәрүрли экран” технология атағын OLED (Organic Light-Emitting Diode) яғный, “ийилиўшең дисплей” ийелемекте.

LG Display компаниясы – қубла кореялық LG Electronicsтиң қурамында искерлик көрсетеди. Олар былтыр ийилиўшең экранларға байланыслы сериялық жумыслардың баслағанын хабарлаған еди. Сол ўақытта жыл сайын 12000 ға шамалас “экран материалын” шығарыўы ҳаққындағы жобаларын дүньяға таратты. Ҳәтте, усы технология базасындағы смартфонларды да сатыўға шығарып үлгерди.

Соң, усы жылдың феврал айында болып өткен Лас-Вегастағы көргизбеде LG ҳәм Samsung “ең айрықша телевизор өндириўши” деген атаққа талабан болды. Сол көргизбеге LG Electronics 77 дюмлық 4К-экранлы CES OLED телевизорын қойған екен. Усыныўшылардың айтыўы бойынша, пайдаланыўшы дисплейдиң қыйсықлығын пульттиң жәрдеми менен өзгерте алады. Қыйсық дәрежеси тамашагөйдиң экранға алыс ямаса жақын болыўына (турыўына) байланыслы көринеди. LG 77 дюймлық OLED-телевизорын ислеў ушын бир жыл ўақыт сарыпланған, ал тәжирийбе ушын “он мыңлаған” ўақыт кеткен екен. Бул телевизор усы жылдың соңында сатыўға шығарылады деп күтилмекте. Аўа, ийилиўшең телевизор түсиниги ҳешқандай әпсана емес.

OLED-технологияларының тийкарғы артықмашылықлары төмендегише:
Ийилиўшең ҳәм салмағы жеңил;
Жуқа;
Жарық;
Көринислер анық көринеди;
Қоршаған орталыққа зыяны да аз;
Энергияны аз талап етеди;
Диапазон температурасы – 40- +75 градус аралығында.

Ең үлкен кемшилиги – баҳасы қымбат. Бирақ бул ўақыттың өтиўи менен арзанлаўы мүмкин.

Лампалы телевизордың дәўири тамамланыўына аз ўақыт қалды. Дүканларда суйықкристаллы ямаса плазмалы телевизорлар сатылмақта. Енди ийилиўшең телевизор шығатуғын болса, ўақыттың өтиўи менен олардың да дәўири өтеди.


derek ko’zi: smart-tv-news.ru