А-ллам илҳәм берип дөреттим қосық,
Ә-липбеге нәзер салып,жүректен юшып,
Б-арлық гөззаллықты тәрийп етейин,
Д-әптериме жүрек сырымды қосып.

Е-лимниң шырайын жырласам егер,
Ф-ранцияның көрки тең келмес оған,
Г-амбургты гөззал шәхәр десеңиз,
Ғ-әрип кеўилим ҳасла жол қоймас буған.

Ҳ-индистанда бабам Бабур тахтқа отырып,
Х-алқын умытпаған жетседе бәри,
Ы-расын айтайық Иран ҳәм Аўган,
И-лимпаз Бабурға &атан болмады.

Ж-ийен, Мүйтен, Доспанбеттиң жолларын,
К-үнхожа, Әжиниязлар даўамлап келген,
Қ-алай жасағанын дана халымның,
Л-утфий, Шеразийлер баянлап берген.

М-ен жырлайман халқымыздың тарыйқын,
Н-е бир аўыр күнлер басынан өткен,
Ң-да басланғандай сөз таба алмадым,
О-йлайман дерек көп келип жетпеген.

Ө-мир жүйрик аттай бармақта зуўлап,
П-резидент пәрманлары халыққа дәрман.
Р-еспубликам бахтыма гүлленсин жайнап,
С-ениң гөззаллығың иҳәмдур маған.

Т-ашкент Тажмаҳалдай көринер маған,
У-ўайым қайғым жоқ елим абадан,
Ү-стим пүтин, турмысымыз пәраўан,
В-енерадай жанар жулдыз боламан.

Ў-атаным,көз тиймесин көркиңе ҳасла.
Й-а алла қуяштың сөнбесин нуры,
З-аманым бизлерди тек алға басла.
Ш-адлықта жасасын халқым ҳәр куни.


Ибраймова Гөззал.