Ha’r eldin’ o’zine say salt-da’stu’rleri ha’m u’rip-a’detleri bar. Sırt el toylarının’ bir-birinen ayırmashılıg’ın ko’rip shıqsaq.

İspaniyada ku’yew bala toyı aldında kelinshegine on u’sh altın tıyın sawg’a etedi eken. Onın’ ma’nisi ku’yew bala kelinshegine aldag’ı o’mirinde g’amxor bolıwdın’ belgisi eken. Al ajırasqan jag’dayda ku’yew bala bayag’ı on u’sh tıyının qaytarıp aladı eken.

Angliyada neke toyına jas jubaylar kirip kelgen waqıtta jaslardın’ aldına mayda qızıl gu’ller shashadı. Bu’l jas jubaylardın’ o’miri gu’lge, shadlıqqa tolsın degen da’stu’r.

Gollandiyada toyı aldında qonaqlardı toy hu’rmetine arnalıp jayılatug’ın da’sturxanına mira’t etip, usı da’sturxang’a “mazalı kelin” dep atalg’an konfetalardı qoyadı eken.

Germaniyada bolsa neke toyı jaqınlag’an waqıtta kelinshektin’ u’yinin’ bosag’asında jaslardın’ baxıtı ushın ıdıslardı sındıradı eken.

Belgiyada kelinshek o’z atın oramalg’a keste tigip jazadı da, toyı waqtında qolına uslap ju’redi eken.

Koreyalıqlardın’ neke toyında u’yreklerdi de alıp keledi. Olardın’ tu’sinigi boyınsha u’yrekler o’mirinin’ aqırına shekem bir-birine hadal boladı eken.


Su’wret: cfvproductions.com