Информация әсиринде көпшилик күнделикли турмыста компьютердиң алдында отырады. Кейинги репродуктив изертлеўлердиң нәтийжеси бойынша бир жерде отыра бериў (столда) адам денсаўлығына зыян екен. Ал нидерландиялық IKEA компаниясы бул машқаланың шешимин табыў ушын жаңа стол ислеп шығарды.

Жоба авторларының әмелге асырған идеясы жүдә әпиўайы. Яғный бул столда ҳәм отырып, ҳәм турып жумыс ислеўге имканият жаратылған. Ал оны қалай қолланыўға болады? IKEA компаниясы әпиўайы жумыс столына көтерип ямаса түсириўге арналған автомат қурылма орнатқан.

Бар жоғы еки кнопка (түйме) арқалы кеңсе хызметкери өз қәлеўинше жумыс столын қолайластыра алады. Егер тутыныўшы отырып шаршаса, өз жумысын турып даўам еттире береди. Бул бүгинги күндеги монитор алдында көп отыратын қәниге ийесиниң денсаўлығын жақсылаўға бағдарланған дәслепки жоба.

Стол Bekant Ergonomi деген атқа ийе болды. Ҳәзирше бул стол IKEA компаниясының Европадағы рәсмий дүкандарында сатыўға шықты. Бир неше моделде шығатуғын Bekant Ergonomi столларының үлгиси 490 АҚШ долларға баҳаланған.

Еслетип өтемиз, бул компания усыған шекем де усы идея дөгерегинде жазыў столларын ислеп шығарған.


дерек көзи: article.wn.com