Vena qalasında “Uyqı orayı” ashıldı. Qaladag’ı bul dem alıw orayında qa’legen jumısshı yarım saat uyqılap, ku'shin jıynap, keyin jumısın dawam ettiredi.

Bunday xızmet tu’rine jergilikli adamlar 11 evro to’lep kire aladı ha’m bul qa’rejettin’ ishinde mineral suwlar menen tag’amlarda bar. U’skenelengen arnawlı divan bar bolıp, uyqı waqtında klassikalıq muzika qoyıladı. Bul jerdegi to’sek a’piwayı emes, onın’ o’zinin’ arnawlı atqaratug’ın xızmeti bar. Ol ju’rek urıwın qadag’alaytug’ın monitor menen baylanısta bolıp, klientlerdin’ qa’nshelli dem alıp atırg’anlıg’ı haqqında ko’rsetedi. Sonday-aq demalıwdın’ sistemasına baylanıslı muzika ırg’ag’ıda qoyıladı. “Uyqı orayı” xojayınının’ aytıwınsha – “Ko’plegen adamlar jumıs waqtında u’yine barıp, demalıp keliwine mu’mkinshilik joq. Bug’an jumıstan qolları tiymeydi. Sol sebepli biz jumısshılarg’a arnap Venadan usınday oray ashıwdi sheshtik.”

Endi ashılıp atırg’an bul orayg’a jumısshılardın’ ko’p keliwi yamasa kelmewi ha’zirshe belgisiz.