Sotsiallıq tarmaqlar ha’m messendjerler payda bolmastan aldın real waqıt aralıg’ında qısqa xatlardı jiberiw ko’pshilikke en jaymag’an edi. Ha’tte Facebook, Twitter ha’m Instagram sıyaqlı tarmaqlar ataqlı bola baslag’an waqıtta da xat almasıw xızmeti bularda biypul sistemag’a o’tpegen edi. Bul ma’selenin’ sheshimin sotsiallıq tarmaqlar emes, al messendjerler sheshe aldı. 2009 jılı Kaliforniyada (AQSH) WhatsApp messendjeri islep shıg’arıldı. WhatsApp bul – qısqa waqıt ishinde tektsli xabarlar, su’wretler, video ha’m audio jiberiwge bolatug’ın onlayn platfoma.

WhatsApp tuwralı qızıqlı dereklerdi usınamız:

* WhatsApp messendjerin Yahoo! kompaniyasının’ burıng’ı xızmetkeri islep shıqqan;
* Twitter basshılıg’ına WhatsApp messendjerin rawajlandırıw ha’m satıp alıw usınılg’an, biraq Twitter adminstratsiyası WhatsApp tın’ keleshegine isenbey, bunday usınısqa kelisim bermegen. Bul Twitter tariyxındag’ı en’ u’lken qa’telik. Biraq WhatsApp tı Facebook basshısı Mark Tsukerberg satıp aladı.
*Facebook qa satpay turıp Google kompaniyası WhatsApp tı satıp alıwg’a 10 milliard AQSH dolların beriwge tayar ekenligin xabarlag’an.
* WhatsApp – marketing menen reklamag’a g’a’rejet jumsamag’an kompaniya;
* WhatsApp – qollanbasın Android, iOS, Nokia, Windows Phone ha’m BlackBerry platformalarında 32 tilde qollanıwg’a boladı;
* WhatsApp iskerligi - bu’gingi ku’nde tekstli xat jiberiw 75% ke to’menlegen. Biraq foto ha’m video almasıw da’rejesi o’sti;
* Ku’n sayın pu’tkil du’nyada WhatsApp arqalı 30 milliard xatlar jiberiledi;
* Ku’ndelikli 200 million dawıslı xabarlar jiberiledi;
* WhatsApp messendjerin ha’r bir paydalanıwshı ortasha esap penen ha’ptesine 195 minut paydalanadı;
* WhatsApp tın’ ha’r bir paydalanıwshısı ortasha esap penen ku’nine 23 ret kiredi;
* Ha’zirgi waqıtta bul onlayn xızmettin’ 800 million belsendi paydalanıwshısı bar;
* Ku’n sayın WhatsApp arqalı 700 million su’wret jiberiledi;
* WhatsApp paydalanıwshılarının’ 10 payızı Hindistan puxaraları bolıp tabıladı;
* İnternettegi selfilerdin’ 27 payızı usı messendjerge ju’klengen;
* Ku’nine 100 million video jiberiledi;
* WhatsApp messendjeri Argentinada qollanılatug’ın smartfonlardın’ 84 payızına ju’klengen;
* Finlyandiya puxaralarının’ 17 payızı usı messendjerden paydalanadı;
* WhatsApp messendjeri – Android onlayn du’kanındag’ı en’ ko’p ju’klenetug’ın bes qollanbanın’ biri.