Ha’zirgi waqıtta internettegi ko’plegen informatsiyanı o’zinde ja’mley alg’an Google korporatsiyasının’ saytı – du’nyadag’ı en’ ko’p qollanılatug’ın izlew platforması. Onın’ logotipi ha’zirgi waqıtqa shekem 6 ret o’zgergen.

Google logotipi da’slep 1998 jılı usınılg’an. Birinshi versiyası menen ha’zirgi dizaynında ko’p ayırmashılıqlar bar. Bir-birine ulıwma qusamaydı desekte boladı. Esletip o’temiz, da’slebinde Google atına “u’ndew” belgisi qosılıp jazılatug’ın edi, al ha’zir u’ndew belgisi alındı.

Amerikalıq u’lken internet izlew sistemasının’ basshıları jaqında Google saytının’ logotipin altınshı ret o’zgertti. Dizayn kontseptsiyası sol qa’lpinde qalg’an. Tek shrift o’zgergen.

Bul o’zgerisler korporatsiyanın’ qaytadan du’ziliwi menen baylanıslı. Yag’nıy, usı jıldın’ avgust ayının’ son’ında Google basshıları Alphabet xoldin’in ashtı, al Google onın’ bir bo’legi bolıp qaldı.