Du’nyadag’ı en’ ataqlı YouTube videoxostingi usı jıldın’ son’ında to’lemli bolıwı mu’mkin. Yag’nıy paydalanıwshılar to’lemli tu’rde dizimnen o’tiwi mu’mkin. Bul tuwralı Google brawzerin qollap-quwatlaw xızmeti xabarlag’an.

To’lemli sistema kiritilgen o’zgerislerge baylanıslı YouTube paydalanıwshıları ayına belgili bir mug’darda to’lemdi a’melge asırg’annan son’ g’ana videokontentti ko’riw mu’mkinshiligine iye boladı. Sayt paydalanıwshıları pullı xızmetke o’tiw arqalı reklamalardı alıp taslaw mu’mkinshiligine iye boladı. Sonın’ menen bir qatarda, ko’rilgen videolar paydalanıwshının’ o’z erki menen saqlanıp, internetke kiriw mu’mkinshiligi joq waqıtta da iske qosıladı.

Pullı bo’limge dizimnen o’tken paydalanıwshılar ushın ko’plegen mu’mkinshilikler jaratıladı. Olar registratsiyadan o’tpegen paydalanıwshılardın’ ko’re almaytın videoların ha’m ko’re aladı. Jan’a sistemag’a o’tiw tuwralı ha’zirshe anıq informatsiya berilgen joq.

Esletip o’temiz, YouTube videoxostingin 2006 jılı Google Inc satıp alg’an edi. Al jaqında bolsa Google kompaniyasının’ adminstratsiyası o’zgergen edi. Sonlıqtan bul kompaniya ha’zirgi waqıtta ko’plegen o’zgerislerge ushıramaqta. Mısalı ja’nebir o’zgeris www.google.com saytının' logotipi de o’zgerdi.


derek ko'zi: gadgetblog saytı.