Өзбекистан Республикасы Президентиниң саўғасы ушын «Ташаббус» көрик таңлагы республикамызда 1996-жылдан баслап дәстүрий түрде өткерилип келинеди. Бул көрик-таңлаў Өзбекистан РеспубликасыСаўда-санаат палатасы, Фермерлер Кеңеси, «Өнермент» аўқамы, сондай-ақ, басқа бир қатар министрликлер менен ведмостволардың бирге ислесиўи ҳәм финанслық көмегинде шөлкемлеститрилди.Бул таңлаў елимиздиң экономикасында жүз берип атырған унамлы өзгерислерди үгит-нәсиятлаў менен бирге, киши бизнес ҳәм жеке исбилерменлик субъектлерин қоллап-қуўатлаў ҳәм хошаметлеўде үлкен әҳмийетке ийе.

Усы жыл 5-май күни Нөкисте “Ташаббус–2015” таңлаўының республикалық баскышы болып өтти. Таңлаўдың қала ҳәм районлық баскышларына “Ең жақсы исбилермен”, “Ең жаксы фермер”, “Ең жаксы өнермент” бағдарлары бойынша жәми 700ге жакын талабанлар қатнасып, олардан 44и республикалық баскышқа қатнасыў ҳуқықына ийе болған еди.

Усы жылдың ҳүрметли Президентимиз тәрепинен “Кекселерди қәдирлеў жылы” деп белгилениўи мүнәсибети менен шөлкемлестирўшилер таңлаўға “Кексе исбилермен-Ташаббус ҳүрметинде”, “Кексе фермер¬- Ташаббус ҳүрметинде”, “Кексе өнермент- Ташаббус ҳүрметинде” номинациялары, сондай-ақ, жаслардың исбилерменлик пенен шуғылланыўын қоллап-қуўатлаў, олардың ислеп шығарып атырған өнимлериниң экспортын еле де раўажландырыў мақсетинде “Мениң журтым өнимлери жәҳән базарында” қосылғанын атап өтип, бул бойынша жеңимпазлар анықланып, олар диплом ҳәм баҳалы саўғалар менен сыйлықланыўын атап өтти.

Таңлаўда қала ҳәм район басқышы жеңимпазларының көргизбеси менен бирге азық-аўқат ҳәм аўыл-хожалық оңимлериниң саўда ярмаркалары шөлкемлестирилди. Ал, күнниң екинши ярымында “ташаббус–2015” таңлаў жарысының тийкарғы бағдарлары ҳәм басқа бир нешше номинациялар бойынша жеңимпазлар анықланды. Тийкарғы “Ең жаксы исбилермен” бағдарында Қоңырат районынан «Қарақалпақ деликатестлери» («Каракалпакские деликатеси») ЖШЖ баслығы М.Турсунов, “Ең жақсы фермер” жөнелисинде Хожели районынан “Әдилбек” фермер хожалығы баслығы Ә.Абдирахманов, “Ең жақсы өнермент” бағдарында Шымбай районынан жеке исбилермен Н.Исмаиловлар биринши орынға ылайық деп табылып, 28-29-май күнлери Ташкент қаласында болып өтетуғын финаллық басқышқа жолламаны қолға киргизди ҳәм шөлкемлестириўшилер тәрепинен диплом, қымбат баҳалы саўғалар менен сыйлықланды.

Сондай-ақ, “Ең жақсы жас исбилермен”, “Ең жақсы исбилермен ҳаял”, “Ең жақсы инновациялық жойбар”, “Жасларға ең көп жумыфс орынын жаратқан исбилермен”, “Мениң журтым-мениң мақтанышым”, “Ең жақсы шанарақ бизнеси”, ҳәм “Ең жақсы экспортшы” сcszks номинациялар бойынша жеңимпазлар анықланды.


М.Чимбергенова.