So’zge isenip, “taqırg’a otırıp” qalatug’ın ma’writtin’ biri – aldanıw. Birewdin’ bolmag’andı bolg’anday qılıp aytıwı heshkimge de unamaydı. Biraq, heshkimge ziyanı joq, o’tirik dewge de bolmaytug’ın joran’nın’/dostın’nın’ yaki jaqın tanısların’ızdın’ ha’zilinen qorqıwdın’ zıyanı joq shıg’ar. Biraq bizin’ aytayın dep turg’anımız doslar/joralar arasındag’ı aldaw emes, al jumısta, bizneste yaki tag’ı basqa kelisim sha’rtnama orınlag’anda biytanıs adamlardın’ aldawı haqqında. Al onın’ ıras yaki o’tirik ekenligin qalay biliwge boladı? Psixolog qa’nigeler aldanıp qalmaw ushın to’mendegi ken’eslerdi usınadı.

1. Ol betin, moynın, shashın sıypalaydı

Eger sizin’ qarsı aldın’ızdag’ı adam bet-awzın siypasa, onın’ barlıq so’zine isene bermew kerek. Onın’ ha’r bir ha’reketlerine dıqqat awdarın’

2. Bir so’zdi qaytalay beredi

Ol bir aytqan so’zin qayta-qayta ayta beredi. Bunın’ sebebi, ol qaytalap atırg’an waqıt aralıg’ında ne aytıw kerekligin oylaydı. Eger onın’ qılıg’ı (ha’reketleri) o’zgere baslasa, aldanıp qalmawg’a tırısın’.

3. Juwap bermey turıp irkilip qaladı

Eger ol sizin’ bergen sorawların’ızg’a kesh juwap berse, bul da bir belgi. Ol bul aralıqta usıg’an shekemgi o’tirik aytqan so’zin esine tu’sirip alıwı mu’mkin.

4. Qapı jaqqa qaray beredi

A’piwayı jag’dayda so’ylesiw barısında biz jan-jaqqa qarap erkin otıra beremiz. Al o’tirik so’ylep atırg’an adam dawamın jasırıw ushın tezirek ketkisi kelip, esikke yaki saatqa qaray beredi. So’z barısında sizge tik qaramawı da mu’mkin.

5. Ko’zin juma beredi

Joqarıdag’ı to’rtinshi qag’ıydanı biletug’ın o’tirik so’yleytug’ın adamlar bunı bildirmew ushın ko’zin juma beredi.

Eger so’ylesip otırg’an adamın’ızda joqarıdag’ı bes qag’ıydanın’ ekew yaki u’shewin sezsen’iz, bul jag’dayda sa’ykeslik bolıwı mu’mkin.


Degen menen bular psixolog qa’nigelerdin’ boljawı, sonlıqtan joqarıdag’ı qag’ıydalar tolıq sa’ykes kelmewide mu’mkin.


Kamilla tayarladı.
derek: vk saytınan.