Usı jıldın’ aprel ayında amerikalı Microsoft kompaniyası adam su’wreti arqalı onın’ jasın anıqlaytug’ın How-Old.net sotsiyallıq xızmetin usıng’an edi. Bul algoritm su’wretke qarap, adamnın’ jasın shamalap anıqlaytug’ın edi. Bul xızmet tu’ri tez ataqlı bolg’anı menen, paydalanıwshılar atalg’an saytqa bes minuttan ko’p waqıt sarıplamag’an.

Microsoft korporatsiyası 8 ay burın usıng’an xızmetin jetilistirip, Ullıbritaniyada bolıp o’tken Future Decoded konferentsiyasında su’wrettegi adamnın’ emotsiyasın anıqlaytug’ın texnologiyanı usındı.

Jan’a bag’darlama adamnın’ ashıwlanıw, jek ko’riw, qorqıw, quwanısh, sabırlılıq, qapa bolıw, tan’lanıw sıyaqlı emotsiyaların bir upaylı sistema menen o’lsheydi.

Jan’a texnologiyanın’ demo-versiyası Project Oxford portalında iske qosılg’an. Portalda ataqlı adamlardın’ emotsiyaları menen tanısıw menen bir qatarda, paydalanıwshılar o’z su’wretlerin ju’klep emotsiyaların ko’riw mu’mkinshiligine iye eken. Bag’darlamashılardın’ aytıwı boyınsha, bag’darlamalıq ta’miyinlew ele tolıg’ı menen islenbegen. Sonlıqtan ayırım tallawlar anıq bolmawı mu’mkin.


derek ko'zi: gadgetblog saytınan.