Биз ўз бахтимизни ҳар куни юртимизнинг гўзал тонгларида, юзлари кулиб турган бобо-ю бувижонларимизнинг саломимизга алик олиб, дуога очган мехрибон қўлларида, ота-оналаримизнинг насихатларида, ака-укаларимизнинг беғубор чехрасида кўрамиз. Бу буюк бахтни бизга инъом этгувчи топилмас хазина бу тинчликдир. Шунинг учун ҳам ёши катталаримиз дуога қўл очганида аввало “тинчлик хотиржамликни берсин Оллоҳим” деб дуо қиладилар. Барчамиз осойишталик орқасидангина ўқишга, ишга бемалол бориб келамиз. Болаларимизни бехавотир мактабга, боғчага жўнатамиз. Булар ҳам албатта тинчлик деб аталмиш бебахо неъмат жаннатмакон юртимизда ҳукм сураётганлигидандир.

Бу сўз оддийгина бўлиб туюлиш мумкин. Бироқ, буюк ватан урушида иштирок этган фахрийларимиз бу сўзни дилларидан шундай муқаддас қилиб айтадики, кўзларида ёш қалқийди, ана шунда биз тинчликни қудратини ҳис қиламиз.

Лекин дунёда неки разил ниятли кимсалар борки, “Тинчлик” сўзи уларга гўёки душман. Улар ўзга уйда кичкинтойларнинг беғубор кулгуси янграшини , тинчгина ором олиб ухлашини кўролмайдилар. Бундай инсонлар қай йўл билан бўлмасин ниятларига етишиш йўлида ўз ёвузликларини амалга ошириш йўлида ҳеч нарсадан ҳатто туғишганларини ҳаётини гаровга қўйишдан, яқинларини нобуд қилишдан ҳам тоймайди. Ҳозирги кунда фақат яхшиликка хизмат қилувчи муқаддас ислом динимизни ниқоб қилиб, инсон ақли бовар қилмайдиган ёвузликларни кетма-кет амалга оширишда давом этиб келаётган террористик гуруҳларнинг ҳам тинчлик ўғрилари дея аташ мумкин. Уларга мехр туйғуси бегона, қанчадан-қанча бегунох инсонлар ўлими шунчаки ўйинчоқ. Ёвузликларни қурбони бўлаётган одамларнинг бу дунёдан умидлари катта эканликлари қизиқтирмайди. Албатта террористларга мақсадларига етишиш учун қурол керак бўлади. Қурол сифатида эса бугун биз каби ёшларни ўз сафига қўшишга ҳаракат қилмоқдалар. Сабаби, ёшлар кучга тўла, улар серғайрат ва айни пайтда қизиқувчан бўлади. Қалбида маънавий бўшлиқ бор бўлган ҳар қандай инсонни, ўз алдовлари билан қармоғига илинтириш уларга қийинчилик туғдирмайди. Улар ёшларни ўзларига эргаштириш орқали бутун бир миллатнинг келажагига хавф солишади. Биз Ўзбекистонимиз тинч-ку деб дунёда бўлаётган хунрезликларга бепарво бўла олмаймиз. Бугунги глобализация даврида бунинг иложи ҳам йўқ.

Ҳаёт тарзимизга айланиб қолган интернет тармоғи эса ахборот таркатишнинг ва инсонларнинг бир-бири билан осон алоқа воситаси бўлиб хизмат қилаётганлиги ҳам турли яхши ва ёмон информацияларга эга бўлишини , қизиқучилиги ёки бекорчилиги туфайли турли ҳил экстремистик гуруҳлар билан алоқа ўрнатиб, уларнинг вайронкор ғояларига кўр-кўрона эргашиши ҳам замин яратмоқда.

Бу ҳолатлар кузатилмаслиги учун эса албатта ёш авлод билимли, маънан баркамол бўлиши зарур. Шу боисдан давлатимиз ҳам айни пайтда диний экстремизм ва терроризмга қарши кураш борасида изчил сиёсат юритиб келмоқда. Мамлакатимизнинг ҳар бир вилоят, туман ва шаҳарларида шунингдек Қорақалпоғистон Республикасида ҳам барчани огоҳликка даъват этувчи тадбирлар мунтазам ўтказиб борилмоқда. Бу борада тарғибот-ташвиқот ишлари ҳам муҳим ўрин тутади.

Жумладан, 2015-йилнинг 7-11 ноябр кунлари Ўзбекистон мусулмонлари идорасининг Қорақалпоғистон Республикасидаги вакили Шамсутдин Бауатдинов Республиканинг барча шаҳар ва туманларида масъул ташкилотлар билан ҳамкорликда бўлиб ўтган “Маҳалла йиғинларида диний экстремистик оқимлар, миссионерлик билан боғлиқ мафкуравий таҳдидларнинг олдини олиш бўйича тарғибот тадбирларини ташкил этиш, меҳнат миграциялари билан профилактик ишларни амалга ошириш масалалари” мавзусидаги тадбирларда ўз маърузалари билан иштирок этди.

Йиғилиш иштирокчиларига “Фитна” ва “Ойдинда ой қидиргин ожизлар” видеофилмлари намойиш этилди. Иштирокчилар бу мавзу юзасидан ўз фикрларини билдирди ва ўзларини қизиқтирган саволларга жавоб олишди. Бундай йиғилишлар Қорақалпоғистон Республикасининг барча туманларида ўтказилиши давом этмоқда.


М.Рахимбоева.
ҚДУ талабаси.