“Kamolot” JJH Qaraqalpaqstan Respublikalıq baslang’ısh sho’lkemi ha’m “Kamolot” JJH A’jiniyaz atındag’ı No’kis Ma’mleketlik Pedagogikalıq Institutı baslang’ısh sho’lkemi janında du’zilgen “Ziyalı jaslar” intellektual klubı ta’repinen sho’lkemlestirilgen “Aydın” intellektual turnirinin’ III ma’wsim oyınlarının’ III turı artta qaldı. 10-yanvar ku’ni A’jiniyaz atındag’ı NMPI oqıw ima’ratında o’tkerilgen oyında Qaraqalpaqstan Respublikası joqarı oqıw orınları, akademiyalıq litseyler ha’m No’kis qalasınan 28 komanda qatnastı. III tur juwmaqları boyınsha, I orındı 9 ball menen NMPI qasındag’ı No’kis akademiyalıq litseyinin’ “Grand”, No’kis qalasının’ “Shturm” ha’m Berdaq atındag’ı QMU dın’ “Sinoptik” komandaları, II orındı 8 ball menen No’kis qalasının’ “KR Industrial”, “Spartak”, “Vunderkind” ha’m A’jiniyaz atındag’ı NMPI din’ “Astrum” komandaları, III orındı 7 ball menen QMU qasındag’ı 1-sanlı akademiyalıq litseydin’ “Opinion” komandaları iyeledi. 3 tur juwmaqları boyınsha 1-orındı 33 ball menen NMPI qasındag’ı No’kis akademiyalıq litseyinin’ “Grand” komandası iyelep tur. Esletip o’temiz, turnir ulıwma 7 turdan ibarat boladı. “Aydın” intellektual turnirinin’ gezektegi IV tur oyınları 17-yanvar ku’ni A’jiniyaz atındag’ı NMPI oqıw ima’ratında o’tkeriledi.
To’mende turnir na’tiyjeleri menen tanısıwın’ızg’a boladı: