Usı jıldın’ 11 yanvar sa’nesinen baslap Tashkent informatsiyalıq texnologiyaları universiteti No’kis filialına “E-dekanat” avtomatlasqan onlayn sisteması engizildi. Bul avtomatlasqan sistema “edekanat.tatunf.uz” saytı arqalı basqarıladı.

Ha’r bir professor oqıtıwshı sol ku’ngi toparg’a o’tken pa’nin usı sitema arqalı studentlerdin’ sabaqqa qatnasın sol ku’ni belgilewi sha’rt. Eger oqıtıwshı saytqa studentlerdin’ sabaqqa qatnasın sol ku’ni belgilemese, onda erten’ine belgilewge yamasa qatnas barısın o’zgertiw yaki saqlaw avtomat tu’rde bloklanadı. Sonlıqtan jan’a sistemag’a oqıtıwshılar ha’r bir o’tken pa’nin sol ku’ni belgilep baradı.

Sonday-aq bul sistemada ko’plegen onlayn imkaniyatlar jaratılg’an bolıp, sabaqtı o’zlestiriw, kuratorlıq topardı basqarıw, dag’azalar bo’limleri de bar.

Saytqa kiriw ushın “Sistemag’a kiriw” bo’limi arqalı sayt ta’repinen dekanat xızmetkerleri, kafedra baslıqları, oqıtıwshılar ruxsat etilgen.