Ko’pshilik jaslar arasında qazaq estrada qosıqshısı To’reg’ali To’rea’li menen Erke Esmaxannın’ “Allo” qosıg’ı ha’m klipi xitge aylanıp, usı qosıq arqalı ko’plegen ıqlasbentlerine iye boldı. Eshek minip ju’rgen awıl qızının’ biri ku’ni menen at u’stindegi er jigit arasındag’ı virtual baylanıstan baslang’an dialog qosıqqa aylandı.

Qosıq so’zleri qabıllawg’a jen’il ha’m a’piwayı bolıp, a’sirese jaslar tez qabıllap aldı. Telefon qon’ırawlarında da usı qosıq jiyi ushırasadı. Al klipin youtube saytınan eki ha’ptenin’ ishinde 1 millionnan aslam adam tamashalag’an, bir aydın’ ishinde bolsa 3 millionnan aslam adam tamashalap u’lgergen. Yag’nıy bul qosıq – xit boldı degen so’z.



Endi usı qosıqtın’ dawamı shıg’arıladı. Klipte telefon arqalı qız ha’m jigittin’ so’ylesiwi “Allo” qosıg’ında (klipinde) sa’wlelengen , endi onın’ dawamı yag’nıy ekewinin’ ushırasıwı da qosıqqa aylanadı. Xabarın’ız bolsa , klip son’ında qız benen jigit kafede ushırasatug’ın edi, sonın’ dawamı retinde qosıq atı “Salamatsız ba?” dep baslanadı. Qosıq atıda “Salamatsız ba?” dep ataladı.


derek: vk saytınan.