U’lkemizge kirip kelgen ba’ha’r o’zinin’ bar go’zzallıg’ı menen insanlar kewline o’zgeshe keypiyat inam etip, bayramlar ma’wsimi bolg’anlıg’ı menen de ha’miyshe asıg’ıslıq penen ku’tip ayrıqsha tayarlıqlar menen qarsı alınadı. Jan’a jıl bası Nawrız quwanıshları elimiz boylap taralıp orınlarda bayram keypiyatı quwanıshları a’lleqashan baslanıp ketti. Bayram tamashaları Berdaq atındag’ı qaraqalpaq ma’mleketlik universitetinde de saltanatlı tu’rde bolıp o’tti.

Bayram tamashalarında da’slep oqıw ornının’ tayarlag’an milliy tag’amları ha’m o’nermentshilik qol o’neri u’gileri ko’rgizbesi sho’lkemlestirilip, salt-da’stu’rlerimiz, milliy sport oyınları, kewilli qosıq ha’m ayaq oyınlar atqarılıp jıynalg’anlarg’a este qalarlıq bayram quwanıshları inam etildi.
Nawrız xalqımızdın’ biybaha miyrasları, qa’diryatları qayta jan’lanıwı menen bayramlar ishinde o’zgeshe. G’a’ressizligimiz jıllarında ata-babalarımız miyrasları mine usı bayramda ja’mlesip o’zinin’ bar go’zzallıqları, qa’diryatları, u’rip-a’det da’stu’rleri menen qayta tiklendi. Universitet talantlı jaslarının’ atqarıwındag’ı bayram kontsertin tamasha etkenler usınday milliy da’stu’rlerimizdi ja’nede eske alıp, atqarılg’an yoshlı kontsert bag’darlamasınan o’zgeshe ta’sirlerge iye boldı.

A’jiniyaz atındag’ı No’kis ma’mleketlik pedagogikalıq institutında o’tkerilgen bayramda qatnasıwshılardın’ ju’zindegi ku’lki, xalqımızg’a ta’n mehir mu’riwbet
pazıyletleri menen bayramnın’ haqıyqıy ko’rinislerin o’zinde sa’wlelendirdi.
İnstitut oqıtıwshıları oqıw ornı ja’ma’a’tin ha’m sol arqalı gu’lla’n xalqımızdı elimizdegi bayram menen qutlıqlap erisken u’lken tabıslardı da atap o’tti.
Sonnan son’ institut ja’ma’ati, talantlı jaslardın’ atqarıwında tayarlang’an teatrlastırılg’an kontsert bag’darlaması inam etildi.

Jerde tirishilik oyanıp ku’n menen tu’nnin’ ten’lesiwi jan’a jıl baslang’anınan derek beredi. Elimizge kirip kelgen Nawrız ha’r jılı elimizde bayramlanar eken milliy qa’diryatlarımızdın’ ma’ngi saqlanıwına tiykar boladı. O’tkerilip atırg’an mine usınday bayram saltanatları jaslarımız sanasın qa’diryatlarımız ruwxı menen suwg’arıp, olardı ullı keleshek iyeleri etip ta’rbiyalawda o’z ta’sirin tiygizedi a’lbette.


Bekan’s blog
su'wret: megaline arxivinen