Jan’alanıw ha’m jasarıw bayramı bolg’an Nawrız xalqımızdın’ ha’r jılı, jıl dawamında asıg’ıp ku’tetug’ın ulıwma xalıqlıq bayramlarının’ birine aylandı. G’a’ressizligimizdin’ da’slebinen baslap milliy bayramımızdın’ qayta tikleniwi, xalqımızdın’ a’zelden bir birewge mehir mu’riwbetli, qayır saqawat ha’m ken’ peyilli sıyaqlı pazıyletlerin mazmun ha’m ma’nis jag’ınan anag’urlım da’rejede bayıttı. Jaslarımızdın’ miliyligimizge, u’rip a’det ha’m salt da’stu’rlerimizge bolg’an hu’rmet ha’m itibarı artıp o’zligimizdi bu’gin du’nyag’a tanıtpaqtamız.

Shıg’ıs xalıqlarının’ jan’a jıl sıpatında qa’dirleytug’ın bayramı Nawrız negizinde jasarıw, jan’arıw paslı. Kewillerge jaqsılıq, abadanshılıq, iygilikli niyetlerdi bag’ıshlawshı ullı ku’n. Ko’p g’ana arzıw maqsetlerdi o’zinde ja’mlegen bul sa’ne ha’zirgi ku’nde de xalqımız ta’repinen ken’ tu’rde qa’dirlenedi.

Tiykarg’ı bayram tamashalarının’ biri ulıwma xalıqlıq Nawrız bayramı jan’a jıl sıpatında ha’r bir insan qa’lbinde quwanısh ha’m shadlıqlardı alıp keletug’ın bul bayram kewillerge jıllılıq ina’m etedi. Respublikamızdın’ barlıq qala ha’m rayonlarında bayram saltanatları joqarı sho’lkemleskenlik penen belgilenbekte.

Ata babalarımızdan bizgeshe jetip kelgen Nawrız go’je tag’amı bu’gin ha’r bir ma’ha’lle ko’shelerinde pisirilip, turg’ınlar Nawrız go’je da’min tatpaqta. Tiykarınan jeti tu’rli qospalardan tayarlanatug’ın bul tag’amnın’ da’mi bu’gin o’zgeshe. Sonday-aq Su’melek seyilleri, basqada tu’rli ilajlar menen sport jarıslarıda o’z ko’rinislerin tawıp atırg’an bayram tamashaları pu’tkil xalqımızdı u’lken quwanıshqa bo’lep atır. Barlıq turg’ınlar bul bayramg’a belsene qatnaspaqta. Jıynalg’anlar xalqımızdı bayram menen qutlıqlap jaqsı tilek ha’m niyetlerin bildirmekte. Tu’rli milliy tag’amlar ko’rgizbesi jıynalg’anlarg’a ayrıqsha zawıq bag’ıshladı. Ma’deniyat ha’m sport isleri bo’limleri jas talantlıları tayarlag’an Assalam Nawrız tamasındag’ı kontsert bag’darlamaları, atqarılg’an qosıq ha’m oyınlar ha’r qıylı shıg’ıwlar menen bayram sport oyınları palwanlardın’ gu’resi menen dawam etpekte.

Nawrız g’aressizliktin’ sheksiz imkaniyatlar esigi ekenin ko’rsetedi. Ma’mleketimizde ha’r bir bayramnın’ o’z a’himiyeti mazmun ma’nisi bar. A’sirese a’sirler dawamında tariyxtın’ ne ne sınaqlarınan ma’rdana o’tip, xalıqtın’ turmısı menen teren’ baylanısıp ketken bul ku’nlerge qayta jan’arıp insan qa’lbine o’zgeshe zawıq ha’m shadlıqlardı bag’ıshlawshı bul a’yyamnın’ saltanatıda kewillerge jaqsı zawıqlar alıp kelmekte. Milliy qa’diryatlarımız ha’m u’rip a’detlerimizdi o’zinde ja’mlegen bayram tamashaları elimiz boylap dawam etpekte.


Bekan’s blog