Usı jıldın’ 21-fevral ku’ni NMPI janındag’ı No’kis akademiyalıq litseyinin’ oqıw ima’ratında “Kamolot” JJH Qaraqalpaqstan Respublikalıq Ken’esi ha’m “Kamolot” JJH A’jiniyaz atındag’ı No’kis Ma’mleketlik Pedagogikalıq Institutı baslang’ısh sho’lkemi janında du’zilgen “Ziyalı jaslar” intellektual klubı ta’repinen sho’lkemlestirilgen “Aydın” intellektual turnirinin’ 3-ma’wsim oyınlarının’ song’ı VII turı bolıp o’tti. Oyındı turnir sho’lkemlestiriwshisi bolg’an Mamutov Marat alıp bardı. Son’g’ı turda I orındı 15 ball menen No’kis qalasının’ “Spartak” komandası, II orındı 13 ball menen No’kis qalasının’ “Shturm” komandası, III orındı 12 ball menen A’jiniyaz atındag’ı NMPI din’ “Troya” ha’m “Google” komandaları iyeledi.



Final oyınınan keyin “Aydın” intellektual turnirinin’ 3-ma’wsim oyınlarının’ ja’mi 7 turı juwmaqları boyınsha jen’impaz komandalardı sıylıqlaw ma’resimi bolıp o’tti. O’tkerilgen turnir juwmaqları boyınsha I orındı 78 ball menen No’kis qalasının’ “Spartak” komandası, II orındı 77 ball menen A’jiniyaz atındag’ı NMPI din’ “Troya” komandası, III orındı 73 ball menen A’jiniyaz atındag’ı NMPI din’ “Astrum” komandası, IV orındı 67 ball menen No’kis qalasının’ “Vunderkind”, A’jiniyaz atındag’ı NMPI din’ “Google”, No’kis qalasının’ “Shturm” komandaları iyeledi. 3-ma’wsim oyınlarında 1-orındı iyelegen “Spartka” komandası turnirdin’ ko’shpeli kubogin qolg’a kiritti.



Turnir juwmaqları boyınsha en’ belsendi komandalarg’a nominatsiyalar tan’lanıp, diplomlar berildi. Berdaq atındag’ı QMU dın’ “OTUS” komandasına “En’ belsindi komanda”, Berdaq atındag’ı QMU dın’ “Akademikler” komandasına “En’ u’lgili komanda”, NMPI janındag’ı No’kis akademiyalıq litseyinin’ “Grand” komandasına “En’ tırısqaq komanda”, NMPI janındag’ı No’kis akademiyalıq litseyinin’ “Drim tim” komandasına “En’ jaqsı qızlar komandası”, No’kis qalasının’ “KR Industrial” komandasına “Jıl ashılıwı”, A’jiniyaz atındag’ı NMPI din’ “Google” komandasına “En’ erkli komanda”, QMU janındag’ı 1-sanlı akademiyalıq litseyinin’ “Opinion” komandasına “En’ jaqsı jas komanda”, No’kis qalasının’ “Vunderkind” komandasına “En’ sho’lkemlesken komanda” nominatsiyaları tapsırıldı.

“Aydın” intellektual turnirinin’ 3-ma’wsim oyınlarının’ ulıwma juwmaqları menen to’mendegi kestede tanısıwın’ızg’a boladı: