“Kamolot” JJH Qaraqalpaqstan Respublikalıq baslang’ısh sho’lkemi ha’m “Kamolot” JJH A’jiniyaz atındag’ı No’kis Ma’mleketlik Pedagogikalıq Institutı baslang’ısh sho’lkemi janında du’zilgen “Ziyalı jaslar” intellektual klubı ta’repinen sho’lkemlestirilgen “Aydın” intellektual turnirinin’ III ma’wsim oyınlarının’ V turı artta qaldı. 7-fevral ku’ni A’jiniyaz atındag’ı NMPI oqıw ima’ratında o’tkerilgen oyında Qaraqalpaqstan Respublikası joqarı oqıw orınları, akademiyalıq litseyler ha’m No’kis qalasınan 28 komanda qatnastı. V tur juwmaqları boyınsha, I orındı 12 ball menen Berdaq atındag’ı QMU dın’ “OTUS”, II orındı 10 ball menen A’jiniyaz atındag’ı NMPI din’ “Troya” ha’m “Universal” komandalarları, III orındı 9 ball menen A’jiniyaz atındag’ı NMPI din’ “Google” komandası iyeledi. 5 tur juwmaqları boyınsha 1-orındı 52 ball menen A’jiniyaz atındag’ı NMPI din’ “Troya” komandası iyelep tur. Esletip o’temiz, turnir ulıwma 7 turdan ibarat boladı. “Aydın” intellektual turnirinin’ gezektegi VI tur oyınları 14-fevral ku’ni A’jiniyaz atındag’ı NMPI oqıw ima’ratında o’tkeriledi.
To’mende turnir na’tiyjeleri menen tanısıwın’ızg’a boladı: