2016 yil 11-mart kuni Toshkent axborot texnologiyalari universiteti Nukus filialida “Innavatsion g’oyalar, texnologiyalar va loyihalar” ko’rgazmasi tashkil etildi. Ushbu ko’rgazmaga universitet talabalari o’zlarining innovatsion texnik, dasturiy va veb ishlanmalari bilan qatnashdi. Mazkur ko’rgazma stendlarida 50 tadan ortiq bir qator loyihalar namoyish etildi.

- O’tgan yilgi ishlanmalarga taqqoslaganda mazkur ko’rgazmada asosan ko’pchilik talabalarimiz o’z loyihalarini Android tizimi platformasi boshqaruvidagi mobil aloqa vositalari uchun ilovalar yaratgan, ya’niy aloqa va axborotlashtirish sohasida har yili yangidan-yangi innavatsion g’oyalar, texnologiyalar va loyihalar ishlanmoqda. Bu loyihalar soha rivojiga munosib turtki beradi albatta – deydi universitetning “Kamolot” stipendianti sohibi Baxbergen Nurimbetov.

- Men bu ko’rgazmaga milliy cholg’u asboplarimiz uchun mo’ljallangan “Nota redaktori” dasturi loyihasi bilan ishtirok etmoqdaman. Bunday ko’rgazmalarning o’tkazilishi biz talabalar uchun katta tajriyba almashish maydoni bo’ldi. Sababi 3-4 kurs talabalarimizdan loyihamni yanada takomillashtirish uchun ko’pgina maslahatlar oldim – deydi 2-kurs talabasi Manas Bazarbaev.

Bugungi iqtidorli yoshlarimiz kelgusida innavatsion g’oyalar va istiqbolli loyihalar ijodkorlari bo’lib etishishlariga, o’zlarining ilmiy salohiyatlari bilan elimizning – ijtimoiy-iqtisodiy ravnaqiga munosib hissa qo’shishlariga ishonamiz.

Manba: Kamolot.uz