XVII a’sirden baslap gretsiyalı jigitler qollarına tawardan tayarlang’an qolg’aplardı tigip, og’an metaldan tayarlag’an zatlardı qosıp, u’lken arenalarda jekpe-jekke shıg’a baslag’an. XIX a’sirdin’ basında du’nyada boks sportı ushın arnawlı qolg’aplar tigile basladı. Yag’nıy qarsılasların jaraqatsız jen’iw ushın teriden arnawlı qolg’aplar tigile baslag’an. Biraq da’slebinde ko’pshilik jekpe-jekke shıg’ıw ushın bul qolg’aplardı unatpay, birden qollanıwg’a engizilmegen. Son’ aradan biraz waqıt o’tip, ko’plegen ma’mleketler teri qolg’apsız jekpe-jekke shıg’ıwdı qadag’an ete baslaydı.

Ha’zirgi waqıtta boks sportı en’ ataqlı sport tu’rlerinin’ biri. Usı boks sportındag’ı teri qolg’aplardı qa’ytip tan’lawg’a boladı?

Ulıwma usı sport ushın arnawlı u’sh tu’rli qolg’ap bar.
Olar:
• Professional,
• Ha’wesker,
• Qabıqlı qolg’ap bolıp bo’linedi.



1) Professional boks qolg’abı – en’ ku’shli soqqılarda jaraqat almaw ushın islengen bolıp, onın’ arnawlı tayarlang’an bawı boladı. Bul bawlar soqqı bergen waqıtta bilektin’ durıs qıymıldawına ja’rdemlesedi.



2) Ha’wesker boks qolg’abı – arnawlı turnirler ha’m shınıg’ıwlarda jiyi paydalanıladı. Bul qolg’aptın’ ortasında aq ren’ menen boyalg’an domalaq bar. Bul domalaqlar ha’r bir soqqının’ durıs tiyiwine, to’reshilerdin’ esapqa alıwı ushın ja’rdemlesedi.



3) Qabıqlı qolg’aplar en’ da’slepki shınıg’ıwlar ushın arnalg’an. Onı kiygende qoldı erkin sezinip, ashıp-jumıwg’a qolaylı bolıp tigilgen. Bul qolg’aplar ha’zirgi waqıtta qag’ıydasız jekpe jeklerde paydalanıladı.

Qolg’ap tan’law waqtında birinshi gezekte onın’ sapasına itibar beriw kerek. Sebebi teri qolg’ap shıdamlı boladı.