Jaqında No’kis qalasındag’ı “Jaslar orayı” imaratında Kamolot JJH qasındag’ı debat do’geregi ag’zalarınan quralg’an Qaraqalpaqstandag’ı joqarı oqıw orınları arasında so’z ba’ygisi bolg’an debat belesiwi sho’lkemlestirildi. Qatnasıwshı komandalar “Milliylik zamanago’ylikten joqarı”, “İnsan jetilsiwinde sotsiallıq ortalıq za’ru’r”, “Kinofilmlerge qarag’anda spektakller paydalı” sıyaqlı bir qatar temalarda ku’sh sınastı.

Jarıstı o’tkeriwden tiykarg’ı maqset, jaslardın’ erkin pikirlew uqıplılıg’ın qa’liplestiriw, turmıslıq pozitsiyanı bekkemlew, olardı ana Watang’a sadıq, bilimli ha’m dana jaslar etip ta’rbiyalawdan ibarat.

Jarıs juwmag’ında Qaraqalpaq ma’mleketlik universitetinin’ “Jayxun” komandası jen’impaz boldı.