ҒӘРЕЗСИЗЛИГИМИЗДИҢ ТИЙКАРЫН САЛЫЎШЫ
Ҳәммемизге мәлим, усы жылдың 2-сентябрь күни елимиз, пүткил халқымыз аўыр жоғалтыўға ушырады - Өзбекистан Республикасының Биринши Президенти Ислам Кәримов қайтыс болды.
Усы жағдайға байланыслы 3-сентябрьден баслап елимизде үш күнлик матам жәрияланып, барлық аймақларда Өзбекистан Республикасының Биринши Президенти, ғәрезсизлигимиздиң тийкарын салыўшы Ислам Кәримовтың естелигине арналған илажлар болып өтпекте.
Қарақалпақстан Республикасы Жоқарғы Кеңесинде депутатлар, Жоқарғы Кеңеси менен Министрлер Кеңесиниң жуўаплы хызметкерлери, студент-жаслар, барлық министрликлер менен ведомстволардың, мәкеме ҳәм кәрханалардың,басқарма ҳәм жәмийетлик шөлкемлердиң басшы ҳәм қәнигелери, кең жәмийетшилик ўәкиллери қатнасқан матам мәресиминде Президентимиздиң портретине гүллер қойылып, Елбасшымызға айрықша ҳүрмет көрсетилди ҳәм еске алынды.
Сондай-ақ, матам мәресимлери пайтахтымыздағы Жаслар орайында ҳәмде Ашық театрда да болып өтти. Бул орынларда да кеўиллери аўыр жоғалтыўға ушырап, қолларына гүлдәстелер услаған ўатанласларымыздың изи үзилмеди.
Пайтахтымыздағы «Қырық қыз», «Байтерек», «Берекет», «Леон», «Граф» ҳәм «Голд миллениум» сыяқлы жәмийетлик орынларда матам ҳәм қайыр-сақаўат илажлары өткерилип, оған зыялылар, жазыўшы ҳәм шайырлар, илимпазлар, қала турғынлары қатнасты.
Илаж басында елимиздиң Биринши Президенти Ислам Кәримовтың портрети алдына гүллер қойылды ҳәм оның ҳүрметине қуран оқылды.
Өткерилген матам ҳәм қайыр-сақаўат илажларында шығып сөйлегенлер, елимиздиң Биринши Президенти Ислам Кәримов өзинен мәңгилик мийрас етип тынышлықты қалдырғанын, мәмлекетимиздиң раўажланыў жолын белгилеп бергенин, оның жоқары инсаныйлық пазыйлетлерин, жасларға, халқымызға көрсеткен ғамқорлықларын, тәрбиялық әҳмийетке ийе дөретиўшилик мийнетлерин айрықша атап өтти. Оның арамыздан кетиўи Ўатанымыз ҳәм халқымыз ушын жүдә аўыр жоғалтыў екенин терең қайғы менен тилге алды.
Ислам Кәримов елимизге басшы болып келген ўақытлары халқымыз жүдә аянышлы жағдайда, экономикамыз аўыр аўҳалда еди. Усындай қурамалы шараятта Ислам Кәримов халқымызды ийгиликли ислерге баслап, раўажланыў жолымызды белгилеп берди. Бүгинги күнде елимизде ҳүким сүрип атырған тынышлық ҳәм гүллениў процеси мәңгилик даўам етиўи ушын уллы Жолбасшымыз баслаған реформаларды мүнәсип даўам еттирип, оның руўҳын бәрқулла шад етиўимиз дәркар.
- Бүгин биз Ислам Абдуғаниевич Кәримовтың шарапаты менен тыныш-татыў, бахытлы ҳәм абадан турмыс кеширип, өз күш ҳәм имканиятларына сүйенген, демократиялық мәмлекет ҳәм пуқаралық жәмийет қурыў жолында үлкен нәтийжелерди қолға киргизип атырған жәннетмәкан елде жасап атырмыз, - дейди Қарақалпақстан мусылманлары қазыятының қазысы Шамсутдин Баўатдинов. – Бундай уллы инсанның хызметлери әўладларымыздың ядында мәңги сақланып, өлмес тарийхымыздың бетлерине алтын ҳәриплер менен жазылып қалады.
Пүткил өмирин елимиздиң раўажланыўы, халқымыздың бахты ушын бағышлаған уллы инсан Ислам Кәримовтың жарқын естелиги жүреклеримизде мәңги сақланады.
ҚХА
дерек: sovminrk.gov.uz
Өзбекстан Республикасы Олий Мажлиси ҳәм Өзбекстан Р ...
Әзиз ўатанласлар, Жүрегимизде терең қайғы менен бәршемиз ушын қәдирли болған Президентимиз Ислам Абдуғаниевич Каримовтың қайтыс болғанлығын...
Әкежан
Мен ушын қайғырып, қуўансам күлип, Сиз бенен жүрермен бахытқа толып, Мениң ең исенген инсаным болып, Аман-саў жүргейсиз бәрҳә, әкежан!...
---
Уллы ҳәм мүқәддессең, Ғәрез ...
Бахытлы өтпекте жаслық шағым, Ана Ўатан сениң қушағыңда, Билемиз, әлбетте, буның бәрин, Ғәрезсизлик шарапатында. Далалар, қалалар бәри...
Соңғы пушайман
Жүрегиме отлар жаққан гөззалсаң, Жүрдим излериңде пәрўанаң болып. Дедиң, сөзлериме қулақ салмастан, Қалайық ҳәмийше бизлер дос...
Уллы ҳәм мүқәддессең, Ғәрез ...
Мүбәрек болсын жигирма жасың, Ғәрезсиз ел - Өзбекстаным, Бахыт қусың бәлентте қанат қақсын, Уллысаң, муқәддессең Ана-Ўатаным....
