Күн суўық болса да жумыс қызғын
Елимизге қыс мәўсими кирип келиўи менен шарўашылыққа қәнигелестирилген хожалықларда қыслатыў мапазы басланып, жумыслар әдеўир артады. Кегейли районындағы «Еркиндәрья» аўыл хожалығы ширкети бүгинги күни республикамыздағы ең ири қарамал өсириўге қәнигелескен хожалықлардың бири болып, бүгинги күни бул жерде 579 бас ири маллар күтимли бағылмақта.
ХХ әсирдиң басларында республикамызда жүз берген суўсызлық ҳәм айырым басшылардың өз жумысларына немқурайдылық пенен қараўы ақыбетинде бул хожалықтың материаллық-техникалық базасы төменлеп, маллардың бас санының кескин кемейип кетиўине себеп болды. Лекин, 2014-жылы хожалыққа жаңа басшы Камал Алланиязовтың тайынланыўы менен жумыста жанланыў көзге тасланды, десек болады. Оның адамларды келешекке исендирип, өз изине ерте алыўы ҳәм искерлигиниң нәтийжесинде мине бирнеше жыллардан берли маллар ушын қыс мәўсимине пуқта таярлықлар көрилип, қыслаўларға жуғымлы от-шөплер жыйнап алынбақта. Нәтийжеде маллардың бас саны жылдан-жылға көбейип, ислеўшилердиң жумысқа деген қызығыўшылығы артпақта.
— Өткен жыл ақыры ҳәм быйылғы жылдың ерте бәҳәринде аўыл халқы ҳәм хожалықтың ишки мүмкиншиликлеринен пайдаланып, бурын батыл болып қалған 35 километр узынлықтағы ишки канал ҳәм жап-салмалар қазып тазаланып, егислик майданларды ағын суў менен тәмийинледик,-дейди Камал Алланиязов. — Нәтийжеде усы жерге ҳәрқыйлы аўыл хожалығы дақыллары егилип, оннан дийдиленгендей зүрәәт жыйнап алыўға еристик. Буның нәтийжесинде усы дақыллардан алынған сап пайда есабынан быйылғы жылы мәмлекетлик салық инспекциясына бурыннан киятырған 184 миллион сум жер салығы ҳәм «Қарақалпақ аймақлық электр тармақлары» кәрханасына 16 миллион сум қарызды төлеп қутылдық. Әлбетте, дәрьямызға усындай нәўпир суў келип турса, шарўашылықты да пайдалы тараўға айландырыўға болады, деп ойлайман,-деп өз сөзин даўамлады ол. Жазлаўды «Аққала» массивинде өткерген болсақ, қыслаўды Даўыткөл әтирапында өткермектемиз.
Ҳәзирги ўақытлары «Нағалайкөл» ҳәм «Даўыткөл» аўылларында қыслаўды өткерип атырған хожалық ағзалары жаз мәўсиминде дийқаншылық ҳәм от-шөп жыйнап алыў менен бир қатарда қысқы қоралардың да оңлаў ислерине айрықша дыққат қаратып, оларды белгиленген талапқа сай орынлаўға еристи.
— От-жем мол болған шарўаға қыс мәўсими қорқынышлы емес,-деди жас падашылардың бири Шынаргүл Еримбетова. — Быйыл қораларымызға 190 тонна ири от-шөп ҳәм 20 тонна кепек түсирип берди. Әсиресе, ис ҳақыларымыздың өз ўақтында төленип барылыўы бизлердиң руўхымызды көтермекте. Әлбетте, хожалық ағзаларының бир жағадан бас, бир жеңнен қол шығарып аўызбиршилик пенен мийнет ислеўи маллардың қыстан тоқ ҳәм шығынсыз алып шығылыўына тийкар жаратып, өзиниң унамлы нәтийжесин берери сөзсиз.
Г.САПАРОВА.
СҮЎРЕТТЕ: хожалық баслығы К.Алланиязов (ортада), падашы Ш.Еримбетова, механизатор М.Нийетуллаевлар жумыс пайытында.
Ә.ОРАЗОВтың түсирген сүўрети.
Дерек: www.erkinkarakalpak.uz.
Тағдир жолында
Айралық паслының музлары ерип, Көрген түслеримиз оңынан келип, Мухаббат бағының гүллерин терип, Биз және ушрастық тәғдир жолында....
Әкежан
Мен ушын қайғырып, қуўансам күлип, Сиз бенен жүрермен бахытқа толып, Мениң ең исенген инсаным болып, Аман-саў жүргейсиз бәрҳә, әкежан!...
Дүньядағы ең узын көпир
Дүньядағы ең узын көпир қай жерде жайласқан. Узынлығы 42 километр болған бул көпир қашан қурылды. Көпир қурылысына неше мың адам қатнасты?...
Уллы ҳәм мүқәддессең, Ғәрез ...
Мүбәрек болсын жигирма жасың, Ғәрезсиз ел - Өзбекстаным, Бахыт қусың бәлентте қанат қақсын, Уллысаң, муқәддессең Ана-Ўатаным....
Узын жолда жалғыз жүрип бараман...
Узын жол ҳәм қаранғы әлем, Жалғыз ғана жолға түстим мен Қуяшсыз ҳәм айсыз әтирап түнек Мен алға жүриўди турыппан қәлеп....
