Халқымыз арасынан билегинде күши бар не бир баҳадырлар, жаўырыны жерге тиймеген палўанлар жетилисип шыққан. Олар қаракеңниң тойларында қурға шығып, өзлериниң күш-жигери менен жыйналғанларды тәсийин қалдырып келген. Жаңабай палўан, Сапалақ палўан, Сатыпалды Мылтықбаев, Өмирбек Айтымов, Шамурат палўанлар той ҳәм Наўрыз байрамларында қоңсылас жерлерден келген атақлы палўанлар менен бел усласып, қарақалпақтың атын шығарғаны тарийхтан мәлим.
Быйылғы «Халық пенен пикирлесиў ҳәм инсан мәплери жылы» ҳәм Өзбекистан Республикасы Конституциясы күнине бағышланып пайтахтымыздағы 2-санлы БЖӨСМде миллий гүрес бойынша дәстүрий «Телетурнир-2017», сондай-ақ, Қарақалпақстан Республикасы кубогы болып өтти.
Миллий спортымыздың ғалабалығына ерисиў, бул спорт бойынша ерискен табысларымызды еле де жоқарылатыў, спорт шеберлерин жетилистириў ҳәм республикамыздың сайланды командасы қурамын муўапықластырыў мақсетинде өткерилген жарысқа қатнасқан палўанлар өз салмақ категорияларында беллесиўлер алып барды.
Жарыстың салтанатлы ашылыў мәресиминде сөзге шыққан Қарақалпақстан Республикасы Жоқарғы Кеңесиниң комитет баслығы Д.Қурбаниязов, Қарақалпақстан Республикасы Денетәрбия ҳәм спорт бойынша мәмлекетлик комитети баслығы Ғ.Байниязов ҳәм басқалар бүгинги күни елимизде миллий спорт түрлеримизди, соның ишинде миллий гүресимизди раўажландырыўға айрықша итибар қаратылып, бул жолда бир қатар ҳүжжетлер қабыл етилгенлигин атап өтти. Соның менен бирге миллий гүресимиздиң Азия ойынлары бағдарламасынан орын алыўы оның халықаралық майданда абырайының буннан былай да артыўында айрықша әҳмийетке ийе болатуғынын айтып өтип, қатнасыўшыларға табыслар тиледи.
Күшли қарама-қарсылықлар, кескин гүреслер астында өткен телетурнир жуўмағында Нөкис қаласы командасы жеңимпазлықты қолға киргизген болса, Шымбай районы екинши, НМПИ командасы сыйлы үшинши орынларды ийеледи.
Кубок беллесиўлери жуўмағында жеңимпазлар ҳәм сыйлы орын ийелери анықланып, олар диплом, кубок, медаль ҳәм естелик саўғалары менен сыйлықланды.
Қуралбай КЕҢЕСБАЕВ,
СҮЎРЕТТЕ: телетурнир жеңимпазлары.
Дерек: Erkinkarakalpak.uz
Халқымыздың әййемги өнери қайта тикленбекте
20-декабрь күни Бердақ атындағы қарақалпақ мәмлекетлик академиялық музыкалы театрында «Қутлы болсын жаңа жылыңыз!» атамасында Айтыс кешеси болып өтти. Бул...
Регбишилеримиздиң табыслары
Соңғы жылларда елимизде раўажланып атырған спорт түрлериниң бири – регби болып табылады. Орынларда регби дөгереклериниң ашылып, оған мыңлап жасларымыздың...
Салықлар балалар нәзеринде
Өзбекистан Республикасы Мәмлекетлик салық комитети тәрепинен салық билимданлығы ҳәм нызамлылығы бойынша балалар көз-қарасында дәслепки көнликпелерди...
Боксшыларымыздың табыслары
Жерлеслеримиздиң спорт түрлери бойынша қолға киргизген жетискенликлери ҳәм ийелеп атырған табыслары ҳәммемизди қуўандырады. Жақында ғана (2-7 август...
Болажақ шыпакерлер менен ушырасыў
1-декабрь халықаралық АИЖС қа қарсы гүресиў күни алдынан республикамыздың бир қатар оқыў орынларында ушырасыў кешесин өткерип барыў дәстүрге айланып...
