Tashkent qalasında “InfoCOM - 2013” informatsiya-kommunikatsiya texnologiyaları ha’pteligi baslandı.

İnformatsiya-kommunikatsiya texnologiyaları ha’pteliginin’ bag’darlaması tarawdı rawajlandırıwg’a qaratılg’an bir qatar ilajlardı qamtıydı. İKT qa’niygeleri ha’m paydalanıwshılar ha’ptelik shen’berinde usı tarawdın’ son’g’ı jetiskenlik ha’m jan’alıqları menen tanısıwı mu’mkin.

2004 jıldan berli sentyabr ayının’ son’ında da’stu’rli ta’rizde o’tkerilip kiyatırg’an “InfoCOM” İKT ha’pteligi tarawda tabıslı a’melge asırılıp atırg’an reformalardın’ na’tiyjesi bolıp, qa’niygeler ha’m informatsiya texnologiyaları paydalanıwshılarında u’lken qızıg’ıwshılıq oyatpaqta.

Ha’ptelik shen’berinde İnformatsiya-kommunikatsiya texnologiyaları boyınsha milliy sammitti o’tkeriw, UZ-2013 milliy domeni internet-festivalı juwmaqların bayan etiw, jaslar ortasında “MIT.uz” milliy internet-tan’lawı jen’impazların sıylıqlaw, “ICT Expo” informatsiya texnologiyaları xalıqaralıq ko’rgizbesi, O’zbekstanda internet-provayding ha’m milliy kontentti rawajlandırıw ma’selelerine tiyisli sa’wbet, “İnformatsiya-kommunikatsiya texnologiyaların rawajlandırıw protsesslerin nızamlı ta’rtipke salıw ma’seleleri” temasında xalqara seminar o’tkeriw na’zerde tutılg’an. Sonday-aq, jaslar arasında bag’darlamalıq ta’miynat islep shıg’arıw boyınsha “Best Soft Challange” tan’lawı jen’impazların ha’mde e-sportı boyınsha “Uzbekistan Cyber Games – 2013” O’zbekstan chempionatının’ final basqıshı ha’m onın’ jen’impazların sıylıqlaw ma’resimi bolıp o’tedi. İKT ha’pteligi shen’berinde ma’mleketimizde “elektron hu’kimet”ti qa’liplestiriw ha’m rawajlandırıw protsessi, Jalg’ız interaktiv ma’mleket xızmetleri portalın jetilistiriwdi rawajlandırıwg’a ayrıqsha itibar qaratıladı.


derek kozi: O’zA, Bobur Obidov www.uza.uz
su’wret: www.megaline.uz arxivinen