Du’nyada sawg’anı alıwdı jaqsı ko’retinler g’ana emes, sonın’ menen bir qatarda sawg’a bergendi unatatug’ın adamlar da ko’p. Ko’pshiligimiz aldın ala tayarlıq ko’rmey, sawg’anı alıwg’a sol ku’ni barıwımız mu’mkin. Sawg’a tan’lawg’a barg’anda, qanday sawg’a alsam eken?! Og’an qanday sawg’a unaydı? degen sorawlar tuwılıwı ta’biyiy. Ha’r kimnin’ talg’amı tu’rlishe bolg’anlıqtan sawg’a tan’law ha’m usı talg’amg’a baylanıslı boladı.

Kimge qanday sawg’a unaytug’ının, sol adamnın’ juldız belgisine qarap ha’m biliwge boladı eken. Eger sawg’a tan’lawdan qıynalsan’ız, Megalaynın’ız sizge sıylıq tan’lawg’a ko’meklesetug’ın ken’eslerdi usınadı.

Qoyg’a qanday sawg’a beremiz: (21.03-20.04)

Qızlarg’a sawg’a tan’lasan’ız, tu’rli tag’ınshaqlar ha’m bezendiriw buyımların tan’lan’. Al kiyim tan’lasan’ız ashıq ren’li, ku’lren’ ko’yleklerdi tan’lan’.

Bug’ag’a qanday sawg’alar unaydı: (21.04-20.05)

Bug’alar u’yge kerekli ıdıslar, asxanag’a kerekli tarelkalar, qurılmalar sıyaqlı zatlardı jaqsı ko’redi. Al qızın’ızg’a yamasa qarındasların’ızg’a yamasa hayalın’ızg’a kosmetika sawg’a etken maqsetke muwapıq. Al kishkentay bug’alarg’a bir karopka mazalı zatlar, oyınshıqlar, plastalinlerdi sawg’a etsen’iz boladı.

Egizeklerge qanday sawg’a beremiz: (21.05-21.06)

Egizeklerdin’ atı aytıp turg’anınday bir adamnan eki sawg’a alıwına qarsı emes. Biraq bul birdey sıylıq bolmawı tiyis. Olarg’a jumıs stolına tiyisli buyımlar, kitaplar, muzikalıq diskler, sonday-aq ko’pshiliktin’ na’zerine tu’sken jan’a zatlar unaydı.

Shayang’a qanday sawg’a beremiz: (22.06-22.07)

Shayanlar gu’mis zatlardı jaqsı ko’redi. U’yge kerekli bolg’an na’rselerdi de unatadı, to’sekler, da’sturxan, u’yde kiyetin ayaq kiyim, tefal sıyaqlı buyımlardı jaqsı ko’redi. Sonday-aq ta’biyiy taslardı, jumsaq oyınshıqlardı da unatadı. Shayanlar basqa juldızlarg’a qarag’anda sawg’a bergen adamg’a ayrıqsha alg’ıs aytadı.

Arıslang’a qanday sawg’a beremiz: (23.07-23.08)

Arıslanlar mayda sıylıqlardı unatpaydı. Olarg’a unayman desen’iz, sawg’a satıp alg’anda aqshan’ızdı ayaman’. Altın buyımlar, qımbatlı taslar, su’wretler olarg’a unaydı. Al kishkentay arıslanlar u’lken jumsaq oyınshıqlardı jaqsı ko’redi. Arıslanlar basqalarg’ada sawg’a bergende aqshaların ayamaydı.

Perige qanday sawg’a beremiz: (24.08-23.09)

Periler paydalı sawg’alardı jaqsı ko’redi. Idıs-tabaqlardı sawg’a qılıp bersen’iz quwanıp qaladı. Al kishkentay perilerge sawg’a retinde aqsha beriwgede boladı.

Ta’rezige qanday sawg’a beremiz: (24.09-23.10)

Ta’reziler barlıq na’rselerge u’lken talg’am menen qaraydı. Sol sebepli sıylıq tan’lawda itibarlı bolıw kerek. Sawg’an’ızdı arnawlı tapsırma menen isletsen’iz ju’da’ jaqsı boladı. Olarg’a tag’ınshaqlar ju’da unaydı.

Sarıshayang’a qanday sawg’a beremiz: (24.10-22.11)

Sarıshayanlarg’a sawg’a tan’law qıyın, sonlıqtan o’z sıylıg’ın o’zlerine tan’latıw yamasa qanday sawg’alar unaytının sorastırg’an maqsetke muwapıq. Toqılg’an jempirler, sırlı sıylıqlar unawı mu’mkin.

Mergenlerge qanday sawg’a beremiz: (23.11-21.12)

Mergenler syurprizdi jaqsı ko’redi. Sonlıqtan qanday sawg’a beriwin’iz haqqında aytıp qoyman’. Olar ushın sıylıqtın’ bahası ha’m sapası qızıq emes, en’ baslısı kewilden berilgen sawg’a.

Eshkimu’yizlerge qanday sawg’a beremiz: (22.12-20.01)

Eshkimu’yezler ju’da’ sınshı boladı. Sizge bildirmegeni menen sıylıg’ın’ızdı sizge aytpay sınaydı. Olarg’a swmka, qayıs, kiyim-kensheklerdi jaqsı ko’redi. Al kishkentay eshkimu’yezler jasına qaramastan u’lkenlerge tiyisli saatlardı unatadı.

Suw quyıwshılarg’a qanday sawg’a beremiz: (21.01-19.02)

Suw quyıwshılar o’zi qızıg’ıp ju’rgen sawg’alardı alg’andı unatadı. Olarg’a sawg’a ayrıqsha bolıw kerek. Sonlıqtan son’g’ı shıqqan uyalı telefonlar yamasa swmkalar bersen’iz boladı. Sonday-aq turmıslıq texnika, disk, sulıw kiyimlerdi beriwin’izge de boladı.

Balıqlarg’a qanday sawg’a beremiz: (20.02-20.03)

Balıqlarg’a jıllı toqılg’an jempirler ha’m qolg’aplar unaydı. Olar ushın romantikalıq keshe ha’m a’tirapta qıdırıw en’ a’jayıp sıylıq.

Sawg’anın’ u’lken kishisi joq, sonlıqtan hayal qızlarg’a qanday sawg’a tan’lasaqta qasına gu’ldi qosıp bergen maqsetke muwapıq. En’ baslısı kimge qanday sawg’a bersen’izde talg’am menen tan’lap, shın ju’rekten bergen sawg’a, en’ a’jayıp sawga’.


derek: vk saytınan, su’wret: pro-goroda.ru