ABI Research компаниясының мағлыўматларына қарағанда дүнья жүзлик базарға өткен жылдың төртинши кварталында Windows Phone мобил ОС басқарыўындағы 10,9 миллион телефон аппараты шығарылған. Яғный, жылдан жылға өсиўи 104 % қураған (2012 жылдың сол дәўиринде 5,3 миллион телефон шығарылған). Соның менен бирге WP нан 2013 жылдың үшинши кварталынан төртинши кварталына өсими 19 % ти қураған. WP аппаратларының бундай дәрежеде өсимине қарамастан барлық смартфонлар базарындағы үлеси 4 % тен артпаўы ҳәм бүгинги күнге шекем салыстырмалы дәрежедеги өзгериси жүдә киши.

Android смартфонлары модели 221,5 миллион дана көлемде сатылған. Android тың – базардағы улыўмалық үлеси 77% қураған – бул ашық платформа тийкарғы доминант ретинде ҳәрекетленеди.



Жыл даўамында Android 50% өсти. 221,5 миллион телефонлар ишинде модификацияланған системадағы 71,1 аппарат сатылды (яғный «форкалары» Google сиз) – Android тың жеке версияларын жаратыў әсиресе Қытайда кеңнен тарқалған. Солай етип “Google Android” – смартфонлар базарының 52% көрсетеди, сонда “Google-сыз” форк-версиялар басқа 25% қурайды. Жыл есабаты бойынша тармақта Windows Phone қолланыўшылар саны 38 миллионды қураған, ал Windows Phone 7 орталығында ислеўши пайдаланыўшылар саны 12 миллион.



Буның нәтийжесинде Windows Phone 7 ниң 2% пайдаланыўшылары ҳәр айда кемип бармақта. 2013 жылдың үшинши кварталында тийкарғы орынға WP ниң Nokia Lumia 520 телефоны шықты. Сонда Lumia 520 барлық WP-девайслар ишинде 13,3% қураған. Бүгинги күнде WP смартфонлар ишинде ол 31% өсти. Бул телефон раўажланып атырған мәмлекетлерде әсиресе Ҳиндистанда жүдә кеңнен тарқалған.

Демек Windows Phone телефон өндириўшилери ишинде сатыў дәрежеси Nokia аппаратларында жоқары екенлиги бақланды.


Таярлаған: Калмуратов Б.
дерек көзи: www.gadgetblog.ru