1. Жазыўдан рәҳәтлен.



Ҳәр күни жаз, газета-журнал оқы, ең соңғы ўақыяларды жарытып бериўши бағдарламаларды тамашала. Егер сиз жазыўды, оқыўды, жаңа адамлар менен ушырасыўды, публика нәзеринде болыўды қәлемесеңиз, бул сизиң жақсы мақалалар жаза алмай қалыўыңызға себепши болады.

2. Журнал ямаса күнделик тут.



Көпшилик белгили журналистлер жазыў тәжрийбесин ийелеў даўамында күнделик тутқан. Умытпаң, ҳәр бир ҳайран қалдырған сөз, келешекте үлкен ислердиң нәтийжесин бериўи мүмкин.

3. Өзиң менен камера алып жүр.



Бүгинги күнде көпшилик журналистлер өз бетинше кадрға алыўдың жаңа усылларын ойлап таппақта. Егер сизде фотографлық қабилет бар болса, ол сизиң маманлық жақтан жоқарылаўыңызға үлкен жәрдем көрсетеди, себеби, тәжрийбели журналисттиң мақаласына ҳеш қайсы күшли фотограф журналисттиң өзиндей сүўрет ала алмайды.

4. Өзиң менен ручка яки қәлем ҳәм киши жазыў дәптерин алып жүр.



Сиз қашан жана гүрриң ушырап қалыўын билмейсиз-ғой! Егер жаңадан бир жақсы гүрриң яки ўақыя ушыратып қалсаңыз, жазып алың. Нәтийжеде бир күнлери ол сизиң жаңа идеаңызды әмелге асырыўда үлкен пайда келтириўи мүмкин. Бул әсирдеги ең жақсы ўақыя болыўы мүмкин. Сондай қызық ўақыяны умытып қалмай турып жазып алыўға асығың.

5. Жаңа адамлдар менен ушырасыўға барқулла таяр бол.



Журналистиканың тийкары соннан ибарат, егер сизде ҳәр түрли бийгәна адамлар менен ушырасыўға, сөйлесиўге қәбилетсизлик ҳәм қолайсызлықлар бар болса, бул кемшиликти ҲӘЗИР-АҚ туўрылаўды баслаң. Барлық кушли журналистлер интервью алыў даўамында қаҳарманынан сораў бериўден қорықпайды(Әлбетте, бир мүнәсебет пенен).

6. Есиңде сақла, интервю алыўдан алдын таярлық көриў шәрт.



Қандай жағдайда турсаңыз да жалған сөйлемең, ертек тоқымаң ҳәм текст ишине өз жеке көз-қарасыңызды келтирип өтсеңиз болады. Бүгинги күнде, сайыз мазмунлы журнал ҳам газеталардың саны артып бармақта. Егер сиз әўметли журналист болыўды қәлесеңиз, интервью даўамында ҳақыйқат тәрепте қалыўыңыз керек. 100% ҳақыйқатлық тәрепдары болың!

7. Сөзликлериңди көбейт.



Ҳәр күни газета оқы. Жақсы сөзликлер сатып ал. Сениң қысқа гүрриңиңниң ишинде бир сөз бир неше орында қолланылса, оргинал шықпайды. Универсал сөзлик сизиң қосық яки гүрриңиңиздиң ҳақыйқый дөретпе дәрежесинде жазылыўына жәрдем береди. Сөзлерди дурыс қолланып атырғанлығыңызға исеним кәмил етиң. Сиз туўры деп ойлаған сөзлер айырым ўақытлары мәниси жағынан надурыс болыўы мүмкин. Сонлықтан, сөзлик арқалы гүман аралас билиминиз исенимге айланады.


Инглис тилинен аўдарған: Гүлзада Өтениязова
ҚМУ студенти.