Интернет тармағында пайдаланыўшылар ушын төлемли социяллық тармақ ашылады. Бул тармақтан дизимнен өтиў 9000 АҚШ долларды қурайды. Ал социяллық тармақтың аты “байларға арналған facebook” деп аталыўы мүмкин.

Бул жобаны әмелге асырыўшы қәнигелер усы социяллық тармақтың раўажланыўына кәмил исенеди. Дизимнен өтиўши дәслеп 9000 АҚШ долларын төлейди, соң ҳәр жыл сайын 3000 АҚШ доллар төлеп турыўы тийис. Соның менен бир қатарда, жаңа тармақ “пайдаланыўшысы” ның жасы 21 жастан жоқары болыўи тийис, ҳәм жеке айналарына рас аты-фамилиясын жазыўы шәрт.

Бул социяллық тармақтың тийкаршысы Джеймс Тоўчи Петерстиң айтыўы бойынша, бундай тармаққа болған талап ҳәм зәрүрлиликлерде адамлар арасында ушырасады екен. Сайт иске түссе, бул социяллық тармақта рекламаларға арналған орын болмайды. Пайдаланыўшы қандайда бир қыйыншылықларға ямаса түсиниспеўшиликлерге дус келсе, модераторлар қәлеген ўақытта жәрдем бериўге таяр болады.

PS: “Социяллық тармақлар бәсекиси раўажланған бүгинги күнде коммерциялық социяллық тармаққа болған талап аз болыўы мүмкин. Себеби көплеген ири социяллық тармақлар түрли хызметлерин бийпул усынады.Сондай-ақ бул социяллық тармақ ашылған жағдайда да оның усынған сервислерин бийпул социяллық тармақларда усыныўы мүмкин.”


дерек көзи: e-communication.hu