Transfermarkt.com сайты Өзбекистанлық футболшылардың да баҳасын жәриялаған. Бул бойынша елимиздиң ТОП-12син нәзериңизге усынамыз. Себеби 12 футболшымыз 400 мың евродан жоқарырақ баҳаланған. Демек олардың дизимин көрип шықсақ.

10-12. Аббос Маҳсталиев
Командасы: “Пахтакор”
Баҳаcы: 400 мың евро
Жасы: 20
Жас үмитли ярым қорғаўшы сайт ўәкиллери тәрепинен 400 мың евроға баҳаланған. Соңғы ўақытлары Маҳсталиевтиң ойынларында пәсейиў жүз берди. Аббос өз үстинде тынымсыз шуғылланып, сайланды команданың жетекшилери қатарынан орын ийелеген болса, оның баҳасыда бираз жоқарылады деген сөз.

10-12. Вадим Офонин
Командасы: «Газовик» (Россия)
Баҳасы: 400 мың евро
Жасы: 27
Офонин 400 мың евроға баҳаланған. Вадим бүгинги күнде Россияның төменги дивизионы ўәкили “Газовик” қатарында ойнамақта. Оны жақын арада Россия Премьер Лигасында ҳәрекет етиўши қандайда бир команда да ойнаўына үмит етиў қыйын. Бирақ онда “Газовик” қатарында өзин көрсетип, сайланды командаға талабан болыў мүмкиншилиги бар.

10-12. Артём Филипосян
Командасы: “Локомотив”
Баҳасы: 400 мың евро
Жасы: 27
Аталған сайт экспертлери Филипосянды да 400 мың евроға баҳалаған. Артёмның қорғаўшы екенлигин есапқа алсақ, оған берилген баҳа жоқары.

8-9. Жамшид Искандаров
Командасы: “Пахтакор”
Баҳасы: 500 мың евро
Жасы: 21
“Пахтакор”дың жас ҳәм үмитли ярым қорғаўшысы Искендеров 500 мың евроға баҳаланған. Улыўма алғанда бул Жамшид ушын шегара емес ҳәм ол жақын келешекте 5-6 млн.евроға баҳаланыўы мүмкин. Буның ушын әлбетте футболшы өз үстинде тынымсыз шуғылланыўы лазым.

8-9. Азиз Ҳайдаров
Командасы: “Ал-Шабаб” (БАӘ)
Баҳасы: 500 мың евро
Жасы: 29
Ҳайдаров бир неше жыллардан берли БАӘ чемпионатында исенимли тәризде топ теппекте. Азизде өз ўақтында Европа командаларында топ тебиў имканияты бар еди. Солай болса да ол Азия футболында өз орнын таба алды. Оның 29 жаста екенлигин есапқа алсақ, бул баҳа Ҳайдаров ушын жаман көрсеткиш емес.

6-7. Николай Марков
Командасы: “Краснодар” (Россия)
Баҳасы: 800 мың евро
Жасы: 29
Марков 800 мың.евроға баҳаланған. Оның жоқары баҳаланыўына “Краснодар”дағы әжайып ойыны себеп болды.

6-7. Александр Гейнрих
Командасы: “Локомотив”
Баҳасы: 800 мың евро
Жасы: 30
30 жасар Гейнрих ушын 800 мың евро төлейтуғын команда табылмаса керек. Бирақ сайт ўәкиллери оған сондай баҳа берген. Бирақ әттең ол Саша сайланды командасындағы өз орнын жоғалтты ҳәм ендигиден былай оның баҳасы төменлеў итималлығы жоқары.

5. Санжар Турсунов
Командасы: “Ворскла” (Украина)
Баҳасы: 900 мың евро
Жасы: 28
Турсунов бир неше жыллардан берли Россия ҳәм Украина чемпионатларында салыстырмалы түрде жақсы топ теппекте. Сонлықтан Санжар 900 мың евроға баҳаланған. Турсунов Азия кубогында өзин көрсете алса, миллионлық финишти де бағындырыўы мүмкин.

4. Игнатий Нестеров
Командасы: “Локомотив”
Баҳасы: 1 млн.евро
Жасы: 31
Нестеров бүгинги күнде ең күшли дәрўазашы беслигине киреди. Игнатий 10 жылдан аслам ўақыт даўамында сайланды команданың тийкарғы дәрўазашысы. Сонлықтан оған 1 млн.евролық баҳа белгиленген. 31 жаслы дәрўазашы ушын бул жақсы баҳа.

3. Сервер Жепаров
Командасы: “Сеонгнам” (Қубла Корея)
Баҳасы: 1,3 млн.евро
Жасы: 31
Азияның 2 мәрте ең жақсы футболшысы 1,3 млн.евроға баҳаланған. Соңғы 2-3 жылда Сервердиң ойынлары бираз төменледи. Жепаровтың баҳасы ҳәтте 4-5 млн.евроға да көтерилген еди.

2. Виталий Денисов
Командасы: “Локомотив” (Россия)
Баҳасы: 5 млн.евро
Жасы: 27
“Локомотив”тиң жетекшилерине айланған Денисов 5 млн.евроға баҳаланған ҳәм бул реал баҳа. Себеби Испанияның “Виляреал” командасы Витя ушын 5 млн. усынғаны ҳаққында информациялар тарқалған еди. Денисов ОК-2015 те әжайып ойынларды көрсете алса, оны күшли беслик командалары қатарында көрсек ҳайран қалмаймыз.

1. Одил Аҳмедов
Командасы: “Краснодар” (Россия)
Баҳасы: 6 млн.евро
Жасы: 27
Өзбекистанның ең қымбат футболшысы. Әдил соңғы төрт жыл ишинде Россия чемпионатының ең күшли футболшылары қатарында. Оған ҳәтте “Арсенал”да қызығып атырғанлығы ҳаққында хабарлар тарқалды. Азия кубогы Ахмедов ушын күшли беслик чемпионатларына өтиў ушын соңғы имканият болыўы мүмкин. Үмит етемиз, ярым қорғаўшы Австралияда жарқын ойынлары менен жәнеде күшли командалардың итибарын өзине қаратады.

Жоқарыдағы баҳалар ойыншылардың соңғы 2-3 жылдағы ҳәрекетлерине тийкарланып белгиленген болса керек. Айтпақшы күшли жигирмалықтан орын алған футболшылар төмендегилер: Ислом Иномов, Илҳом Суюнов, Ислом Тўхтахўжаев, Баҳодир Насимов, Лутфулла Тўраев, Егор Кримец, Акмал Шорахмедов ва Диёр Туропов. Булар сайт дөретиўшилери тәрепинен 350 мың.евродан баҳаланған.


Фурқат Юсупов
Дерек көзи: www.furkat.uz