Тоты Юсупова усы жылдың июль айында 135 жасқа шығады. Т. Юсупова Төрткүл районында жасайды. Ол Эйфел минарасынан тоғыз жасқа, Гиннес рекордлар китабы версиясы бойынша еки рет жәҳән рекордшысынан 17 жас үлкен деп хабар берди ut.uz сайты.

Апаның ең киши ақлығы 52 жаста. Оның айтыўы бойынша, Тоты апа ҳәзирги күнде жетинши әўладын көзи менен көрген инсанлардың бири.

Сондай-ақ Тоты апа Юсупова елимиздеги үш әсирди көрген жалғыз инсан емес, соңғы мағлыўматларға қарағанда Т.Юсупова менен бирге кеминде және еки қария дүнья рекорды дизимине талабан бола алады. Яғный Тахтакөпир районында жасаўшы 114 жаслы Бийбихан Халниязова, Елликқала ҳәм Төрткүл районында жасаўшы Пашша Юсупова ҳәмде Бика Қудайбергенова усылар қатарында.

Қарақалпақстан Республикасы бойынша жүз жастан асқан адамлардың саны 26 ға жетти.

Еслетип өтемиз, япониялық пухара Дзироэмон Кимура ең қария адам ретинде еки мәрте Гиннесс рекордлар китабына киритилген. Оның жасы ҳәзирги ўақытта 115 жас 253 күн деп дизимге алынған.