Saat tu’ngi eki. Uyqım birden ashılıp ketti. Aynag’a qarasam qar jawıp atırg’an eken. Sol qız benen birinshi ret tanısqanda da qar quyıp jawıp edi. Awa, bul estelikler yadımnan ketpedi. Waqıyanın’ ha’mmesi qalay baslanıp, qalay juwmaqlang’anı haqqında siz ha’m tın’lan’ zamanlasım.
Dekabr ayının’ ortası edi. Qar quyıp jawıp tur. Ko’shede ju’rgen adamlardın’ ha’mmesi quwanıshlı. Birinshi qar. Awa-awa, da’slepki qar. Usı quwang’an adamlardın’ ishinde mende barman. Usı waqıtta shıraylı, ko’rkem, qıyılg’an qaslı, shiyedey erinleri sup-sulıw bir qızdı ko’rdim, ju’regim qattı urıp, qasımdag’ılardı umıtıp kettim. Ko’zlerim tek sol qızda boldı. Ha’r bir ha’reketi, ku’lkisi sekund sayın ju’regime jaqınladı. Son’ bar ku’sh jigerimdi toplap, sol qız benen tanısıwg’a bel bayladım…
Aradan bir neshe ku’nler o’tti. Telefon arqalı so’ylesip ju’rdik. Kinog’a shaqırdım. Kino pitkennen son’ kafege barıwg’a qolaylang’an edik, biraq barmay qaldıq. Anası qon’ıraw etip, qaytıwın soradı. Esiginin’ aldına shekem shıg’arıp salıwıma kelisti. Qoshlasar aldımda betimnen su’ydi. Erinleri sonday ıssı…
Ju’da’ baxıtlıman. Ku’n dawamında tek, oylarım sol qızda, al quwanıshım sheksiz…
Ja’ne ushırasıwg’a shaqırıp, so’ylesiw waqtında og’an kewlimnin’ barın bildirdim. Tım-tırıspız…Mu’mkin bes minut, mu’mkin yarım saat. Qansha waqıt o’tkenin kim bilsin. Bir waqıtta onın’ da mag’an kewli bar ekenin aytıp, o’z sezimin bildirdi. Qanday baxıt. Jaqsı ko’rgen qızım qasımda otır.
Solay etip, aylar o’tti. Ku’ndelikli ushırasıwlar.
Birinshi ret unatıp qaldım. Su’ygen adamımnın’ qasımda ju’rgenine baxıtlı edim.
May ayı. Dalada jawın sheleklep quyıp tur. Bir waqıtta telefonıma xat keldi: “Keshir, men basqa birewdi unataman. Xosh.” Oqıp turıp, ko’zime jas keldi. Bunday boladı dep ulıwma oylamag’an edim. Jawında, u’yinin’ aldına bardım. Shıqpadı. Telefonın almadı. So’ylesiwdin’ retin taba almadım. Erten’ine nomerin o’zgertipti. Sonnan keyin ko’p waqıtqa shekem ko’rmedim.
Iyun ayı. Keshki waqıt. Ko’pshilik ko’shede qıdırıp ju’ripti. Ko’p adamlardın’ ishinde sol qızdı ko’rdim. Jalg’ız emes, qasındag’ı menen baxıtlı edi…
Mine, menin’ birinshi muxabbatımnın’ qısqasha mazmunı usınday. Sol waqıtlardan qalg’an ju’regimdegi daq, elege shekem bar. Geyde, “muxabbat” degen sezimnin’ bar ekenine gu’manlanatug’ın waqıtlarım boladı. Biraq muxabbatqa isenemen, men onı yamasa ol meni izlep tabıwına isenemen…
Maqset, Qarao’zekten.
Arman bolıp qalgan muxabbattım
Adam o’miri dawamında ko’p na’rselerdi bastan o’tkeredi eken. Sonın’ ishinde jaqsı ko’riw ha’m jaqsı ko’riniw. Biraq men jaqsı ko’rip unatıp edim… Sol ko’risken ku’ni men juda’ ha’m baxtıyar...
Ashıq ju’rek…
Muxabbat degen so’zdi esitsem kino filmler, klipler, qosıqlar ko’z aldıma keledi. Yamasa kitaplardag’ı eki ashıqtın’ a’jayıp gu’rrin’leri…Geyde muxabbat barma? Bar bolsa qayaqta degen ko’p oylar...
Muxabbat… (gu’rrin’)
Azamat bu’gin de sabaqqa keshigip keldi. Auditoriyag’a kirip o’zinin’ partasına barıp otırdı ha’m ku’ndegidey ja’ne sabaqqa itibar bermesten qag’azg’a bir na’rselerdi jaza basladı. Keyin qag’azdı...
“Ushırasıw” (Monolog)
Men u’ydin’ en’ kishkenesimen. Sonın’ ushınba sa’l erkeligim basımlaw. Kishkentay na’rsege de o’kpelep qalatug’ın a’detim bar. Bul a’detimdi joq qılmasam bolmaydı. Sebebi ko’p pa’nt jep qalaman, ha’r...
Bu’gingi ku’n keshegiden basqasha
Eeeh ju’rek. Menin’ sag’an sorawım ko’p. Sebebin ha’zir aytaman…...
