A’ke bolg’an er jigitlerdin’ quwanıshı burıng’ıdan o’zgeshe boladı. Solay eken, bu’gin biz sizlerge a’ke bolg’an jigitlerdin’ on segiz qa’siyetin sanap o’tip aytpaqshımız. Sizler ha’m salıstırıp ko’riwin’izge boladı.

• Olar jumısqa kelgen waqıtta, u’yindegi balasının’ ku’tetug’ının oylap qızg’ın ha’reketlenedi. Ko’binese, sırtta bos waqıttı o’tkergennen go’re, balasının’ qasında bolg’andı maqul ko’redi;

• Olar balasının’ ju’zine qarap jatıwdan zerikpeydi. U’yge qaysı waqıtta kelse de, balanın’ uyqlap jatqanına qaramastan bir iyiskelemey, o’zide uyqıg’a ketpeydi;

• Olar uyıqlap jatqan balasın qushaqlap yamasa betine murnın taqap jatqandı jaqsı ko’redi. Jan’adan du’nyag’a kelgen kishkene balasının’ pısıldap dem alıp atırg’anın qızıq ko’redi;

• Olar jan’adan tuwılg’an balasın qolg’a alıp ko’riwden qorqadı. Sebebi bir jerin awırtıp alamanba dep qashadı. Ko’tersede orap-orap uslawdı maqul ko’redi;

• Olar balasın jubatsa, qızıq qosıqlar aytıp, o’zinshe erkeletedi;

• Olar o’z a’ke-sheshesinin’ ko’zinshe ulın/qızın erkeletip, su’yiwge uyaladı;

• Olar balag’a uzaq waqıt qaray almaydı. Bes minut o’tkennen son’: “Hey maması” dep atalatug’ın ku’ndelikli qosıg’ın ayta baslaydı;

• Olar balalar oynaytug’ın oyınshıqlardı ha’m oyın maydanshaların jaqsı ko’re baslaydı.

• Balası qashan o’sip usı oyınshıqlar menen oynaytug’ının ko’z aldına keltirip, quwanadı;

• Olar balasının’ qılıqları haqqında temanı ayrıqsha ıqlas penen tın’laydı. Kelinshegi menen usı temada jiyi-jiyi so’ylesedi;

• Olar usınday quwanısh inam etkeni ushın zayıbına alg’ıs bildiredi. Ayırımları ishinen razı boladı;

• Olar dosları menen otırg’anda o’z balası haqqında aytıp otırg’andı da jaqsı ko’redi;

• Olar balasının’ kishkene kiyimlerine qızıg’ıp qarap, quwanadı;

• Olar balasının’ ha’r qılıg’ınan o’zin izlep, ha’r jerin o’zine g’ana uqsata beredi;

• Olar “Balan’ o’zin’e qattı qusaydı eken” degen frazanı jaqsı ko’redi. Aytpag’anlardan sorap aladı;

• Olar, usıdan keyin o’mirdin’ burıng’ıdan da o’zgeshe ekenin an’lap, shan’araq juwapkershiligin sezinedi;

• Olar balası sa’l awırsa janın qoyarg’a jer tappay qaladı. Balası menen birge qıynaladı. “Balamnın’ ornına men awırsam bolmayma…” dep uwayımlaydı;

• Olar endi o’z balası ushın miynet etiwi kerek ekenligin oylap, burıng’ı a’rmanlarına a’rman qosıp, keleshekke rejeler qoya baslaydı.

A’lbette, a’ke bolg’an adam bunday sezimlerdin’ on segizden asıp, seksenge bara alatug’ının biledi. Degen menen joqarıdag’ı on segiz sezimnin’ o’zide, ko’p jigitlerdin’ a’ke bolıwına qızıg’ıp qarap ta’sir ete alıwına isenemiz.


Tayarlag’an: Kamilla K.
Su’wret: vk.tarmag’ınan