İnternettin’ ko’pshilik paydalanıwshısı erte me, kesh pe bul ma’selege keledi… o’zinin’ da’slepki torrent faylın ko’shiredi.

Sebebi torrent-servisler ko’plegen tapsırmalardı orınlaydı – kitap, audio, video bolsın, za’ru’rli fayldı usına aladı. Usınday servisler menen jumıs islew ushın da’slep torrenttin’ ne ekenin ha’m qalay durıs paydalanıwg’a bolatug’ınlıg’ın biliw kerek.

Torrent – 2001 jılı islengen bolıp, ol fayllardın’ ju’da an’sat jiberiliwin ta’miyinleytug’ın ayrıqsha bag’darlamalıq ta’miyinleniw. Onın’ artıqmashılıg’ı, tarmaqta fayllar birden emes, bo’lek-bo’lek tu’rde jiberiledi. Barlıq bo’lekler jıynalg’anda, torrent olardı kompyuterdegi bir faylg’a biriktiredi.

Muzıkalar, filmler, oyınlar, ha’r tu’rli bag’darlamalar, kitapları bar fayllardı jaylastırıw ushın torrent-saytlar – trekerler islenedi. Tap usı jerde ha’r qala, ha’r ma’mlekettegi paydalanıwshılar fayl almasıwdı a’melge asıradı.

Treker qatnasıwshıları arasındag’ı fayllardı u’lestirip beredi. Qa’legen torrent-trekerdin’ baslı qag’ıydası: o’zin’ ju’klesen’, o’zgege u’lestir. Fayllar serverge ju’klenbeydi – olar treker qatnasıwshılardın’ arasında tabısadı. Sonlıqtan, eger paydalanıwshı fayldı ju’klep, basqa qatnasıwshılarg’a tarqatpasa, og’an ju’klew ushın berilgen limitti tawısadı ha’m servistin’ basqa xızmetlerinen paydalana almaydı.


Torrent faylda za’ru’rli fayldı ju’klewge arnalg’an informatsiyalar bar. Onı kompyuterde saqlap, klienttin’ ko’megi menen ashıw arqalı ju’klewdi baslaydı. Torrent fayllar menen kompyuterde jumıs islewge arnawlı usı islengen bag’darlamanı ju’klew kerek (klient): BitComet, BitSpirit, µTorrent

Bul xızmet tek jaqsılıq etiw g’ana emes, al onı basqa paydalanıwshılarg’a tarqatıw ushında arnalg’an, sonlıqtan fayldı ko’p bergen sayın, ko’p alıw degen so’z.