Bul film mazmunı qazaq estrada juldızı Qayrat Nurtas haqqında bolıp, kinofilm atı “O’kinish” dep atalg’an. Atalg’an kino 2013 - jıldın’ aprel ayında shıg’arılıwı rejelestirilgen.

“O’kinish” filmindegi waqıyalar tiykarınan Qazaqstannın’ Astana, Aqtaw ha’m o’zinin’ tuwılg’an qalası Tu’rkistanda su’wretke alıng’an. Melodrammanı su’wretke alıw protsessi 2012 jıldın’ iyul ha’m noyabr ayları aralıg’ında tu’sirildi ha’m ha’zirgi waqıtta montajlaw jumısları alıp barılmaqta. Bul haqqında film direktorı Mira Kelimbekova bayan etti.

Filmde Qayrattın’ qosıqshılıqqa kirip keliw jolı, shıg’armashılıg’ı ha’m jetiskenlikleri so’z etilgen. Filmnin’ bas rollerinde o’zi, qosıqshı Sivi Maxmudi, aktrisa Ja’niya Djurinskaya, qosıqshı Renat Basitov sonın’ menen bir qatarda ata-anası, ag’a-inileride su’wretke tu’sken. Al kinofilmnin’ prodyusseri – Qayrattın’ anası Gu’lzira Aydarbekova.

24 jasar Qayrat Nurtas en’ birinshi ret saxnag’a segiz jasında shıqqan. Qayrattın’ u’lken saxnag’a shıg’ıwı ushın onın’ anası prodyusserlik qılıp, bir neshe videokilipler tu’sirdi. Ha’zirgi waqıtta Qayrattın’ 100 den artıq qosıqları bar.


derek ko’zi ha’m su’wret: twitter.com, vk.com.