A’jiniyaz atındag’ı No’kis ma’mleketlik pedagogikalıq institutı Kamolot JJH baslang’ısh sho’lkeminde 2015-jıl dawamında a’melge asırılg’an jumıslar boyınsha esabat ma’jilisi o’tkerildi. Ma’jiliste “Kamolot” jaslar ja’miyetlik ha’reketi Qaraqalpaqstan Respublikası Ken’esinin’ orınbasarı, “Kamalak” balalar sho’lkemi baslıg’ı U.Xojamuratov, institut oqıtıwshıları ha’m student jaslar qatnastı.

“Kamolot” JJHnin’ barlıq ag’zaları ta’repinen bir dawıstan Bayram Gu’limbetovtı qayta saylaw pikiri bildirildi. A’jiniyaz atındag’ı No’kis ma’mleketlik pedagogikalıq institutnın’ “Kamolot” JJH baslang’ısh sho’lkemine ha’zirgi waqıtta 5283 adam ag’za bolg’an.













2015 jılı instituttın’ “Turan” komandası “Quwnaqlar ha’m ziyrekler” ko’rik tan’lawında izbe-iz eki ma’rte O’zbekistan chempionı boldı.

Institut studentlerinen 2015-2016 oqıw jılında 1 student Prezident stipendiyası jen’impazı, 2 Nawayı atındag’ı, 1 Ulug’bek atındag’ı stipendiya jen’impazları, al 2015-2016 oqıw jılında 5 student “Kamolot” stipendiyasının’ jen’impazı bolg’an bolsa, 2015-2016 oqıw jılında 2 student “Kamolot” grantının’ jen’impazı boldı.

O’zbekistan Respublikası Joqarı oqıw orınları arasında ha’r jılı o’tkerilip atırg’an sporttın’ futbol tu’ri boyınsha “Kamolot Kubogı” turnirinde instituttın’ futbol komandası Tashkent qalasında bolıp o’tken final basqıshına qatnasıp, sıylı u’shinshi orındı iyeledi.

Pedagogikalıq instituttın’ Kamolot JJH baslang’ısh sho’lkeminde 2015-jıl dawamında a’melge asırılg’an jumıslar ha’m qolg’a kiritilgen jetiskenlikler bunın’ menen toqtap qalmawına ha’m ja’nede u’lken jetiskenliklerge erisiwine isenimiz ka’mil.