Мухаббатқа толар жүреклер,
Күш-қуўатқа толар билеклер,
Қуўаныштан болып дереклер,
Бәҳәр менен келеди Наўрыз.

Аспанымда ушар көп ләйлек,
Гүлден-гүлге қонар гүбелек,
Қазанларда қайнар сүмелек,
Сәлем менен келеди Наўрыз.

Бағларымда сайрар бүлбүллер,
Бағларымда ашылар гүллер,
Сулыу сәнге бөленер шөллер,
Гөззаллықты әкелер Наўрыз,

Хәмме бирдей толып тасады,
Кеуилдеги ғамды басады,
Барлық байрамнан да асады,
Жайнап-жаснап келеди Наўрыз,

Жаманлықлар кеуилден безер,
Шын ашықлар бағларды гезер,
Бирге журип гуллерден терер,
Мухаббатқа толып келеди Наўрыз,

Аспанда жулдызлар жанар,
Қуаныштан мийримиз қанар,
Жаманлықтан ҳаммеде танар,
Жақсылықты баслап келер Наўрыз,

Куттик сени Наурызым айлап,
Кеулимизге сағынышты жайлап,
Алғансаң өзиңе бизлерди байлап,
Сағынып-сағынып келеди Наўрыз,

Жүзлеримиз күлимлер жайнап,
Жүреклерде мухаббат қайнап,
Қосығымды жаздым саған арнап,
Бахыт алып кел сен елиме Наўрыз.


Жамалова Гүлзабира