Yogurtlardın’ densawlıqqa paydası ko’p. Dietologlar yogurtlardı ju’da’ paydalı, zıyanı joq tag’am deydi. Olardın’ sırı nede?

Yogurt kaltsiyge bay
Sonday-aq yogurt quramındag’ı kaltsiy organizmge hesh qıyınshılıqsız sin’edi. Bir stakan yogurttın’ organizmge paydası ko’p, sebebi ol kaltsiyge bay bolg’anlıqtan su’yekti ja’nede bekkem qıladı. İlimpazlardın’ aytıwınsha su’tli tag’amlardı jiyi qabıllaw su’yek awırıwlarının’ aldın aladı.

Yogurt quramında beloklar ko’p
Bir stakan jen’il yogurtta 5-9 gramm belok boladı. Yag’nıy beloklar ku’ndelikli ratsionımızda bolıwı tiyis.

Yogurt artıq salmaq penen gu’resiwge ko’meklesedi
Bul yogurttın’ tag’ı bir qa’siyeti. May menen beloklardın’ durıs qatnası qarındı toydırıp, artıq salmaq jıynawdan saqlaydı.

Yogurt immunitetti ku’shli etedi
Jiyi qabıllaytug’ın da’riler, antiboitikler organizmdi qorg’aytug’ın paydalı bakteriyalarg’a keri ta’sir etiwi mu’mkin. Sonlıqtan yogurt solardı qa’lpine keltiriwdin’ en’ jaqsı jolı. Zamanago’y bifido, lakto, atsidofil bakteriyaları bar yogurtlar as sin’iriw sistemasına ko’meklesip, vitaminler menen minerallardın’ sin’iriwin jaqsılaydı.

As sin’iriw sistemasına paydalı
Awqatlang’anda asqazang’a bakteriyalar, uwlı zatlar tu’siwi mu’mkin. Al olardı sin’iriw, asqazannın’ wazıypası. Stresler, gormonal o’zgerisler, tu’rli da’rilerdi qabıllaw asqazang’a awırlıq etiwi mu’mkin. Sonlıqtan usı waqıtta yogurt asqazang’a ko’meklesip, onın’ jumısın jasılaydı.


su’wret, derek ko’zi: max-body.ru