Ha’zirgi texnologiyanın’ rawajlang’an da’wirinde qurılmalarg’a elektr quwatın beretug’ın batareykalardın’ tutqan ornı girewli. Akkumulyatorlardın’ rawajlanıw da’rejesi gadjetlerdin’ rawajlanıw da’rejesi menen ele ten’lesken joq. Sonlıqtan bul tarawdag’ı qandayda bir jan’alıq tek gadjet o’ndiriwshilerdi g’ana emes, al tutınıwshılardı da qızıqtıradı.

Jaqında Nature Materials jurnalı as duzı arqalı jumıs isleytug’ın akkumulyator tuwralı jan’alıq ja’riyaladı. Jan’a batareykanın’ baslı artıqmashılıg’ı onın’ litiy ha’m magniydin’ tiykarında jumıs isleytug’ın akkumulyatorlardan anag’urlım arzanlıg’ında. Jan’a batareyka, sonın’ menen bir qatarda, qa’wipsiz ha’m qollanıw ushın onı qa’legen formag’a keltiriwge boladı.

Al kemshiligi bunday akkumulyatordın’ sıyımlılıg’ı litiyli-ionlı batareykalarg’a qarag’anda eki ese az. Sonın’ menen bir qatarda as duzının’ tiykarında jumıs isleytug’ın batareykanı sıyımlılıg’ın joytpay tek 8 ret g’ana paydalanıwg’a boladı. Sonı aytıp o’tiw lazım, ku’ndelikli turmısımızda paydalanatug’ın batareykalardı 500 ret qayta quwatlag’anda, ol sıyımlılıg’ın to’menletpeydi.

O’ndiriwshilerdin’ aytıwınsha, bul batareyka ju’da arzan boladı ha’m 100 payız zıyansız boladı eken. Akkumulyatordın’ ishinde duzlı elektrolit penen qaplang’an qattı natriy elektrodı bar.


derek ko’zi: demiart.ru