Бир күни бир бай баласы менен аңға шығып Әпендини де бирге алып кетипти. Әпенди пияда, ал ана екеўи атта жол жүрипти. Күн жүдә қызып кетипти. Бай шапанын шешип Әпендиге көтертипти, оны көрген баласыда шапанын шешип узатыпты. Жол жүдә узақ екен. Әпенди терлеп тепшип ҳалдан кетипти. Бай оны ермек қылып күлип:

- Ҳәй Әпенди мениң билиўимше сен бир ешек көтере алатуғын-ақ жүктен шаршаған екенсен?
- Мен бирақта ҳүрметли бай ата, еки ешектиң жүгин көтерип киятырманда – депти.

***

Бир күни Әпендиниң түсине бир сулыў қораз енипти. Оның алдына бир адам келип:

- Әпенди қоразыңды сатпайсаңба?
- Егер пулды көп берсең сатаман.
- Қәне қанша сорайсаң?
- 20 алтын теңге береғой.

Қарыйдар дәслеп 7 теңге, кейнинен 8 теңгеге сорапты. Әпенди ҳеш көнбепти сол ўақытта Әпенди шоршып оянса, я қораз я қарыйдар жоқ. Сөйтип ол көзин қайта жумып:

- Мейли маған зыян болсада саған қоразымды 9 теңгеге береғояйын - деген уқсайды.

***

Кемпир ғаррыға депти.

- Ғарры не оншама тыныш отыра бересен, бирзат айтып отырса?
- Ей сен бәрибир герең болсаң бирзат айтқан менен еситпесең не қыламан айтып.

Сонда кемпир былай депти:

- Айтабер… яман қызық қызық болыптығо яяя депти.

***

Өмирбек бир байдың үйинде қоныпты. Бай «қонақ келди екен-аў» деп тәшўишленбепти. Асқабақ асып атырған екен. Сол асқабақ пискеннен соң үлкен бир табаққа қойыпты. Оның мақтаўын жеткерипти.

- Асқабақта халықтың айтыўына қарағанда бир кәрамат бар көринеди. Асқабақ жеген адамның өмири узын болатын қусайды.

Бул сөзди бай қайталай берипти. Өмирдиң ашыўы келипти.

- Усы сизиң әке-шешеңиз барма?
- Әке шешем буннан бир неше жыл бурын дүньядан өтип еди, депти бай.
- Егер асқабақ жеген адамнын өмири узын болатын болса әке-шешеңизге буннан бермеппе единиз.


Таярлаған: Нурмухаммед Жумағулов.