1. Сөзлик пәтти үйрениў.

Сөзлик пәтти үйрениў – инглиз тилинде сөйлеўдиң ҳәм оны үйрениўдиң алтын гилти.

Сөзлик пәт жүдә әҳмийетли. Егер тезирек инглиз тилин үйрениўди ҳәм усы тилде биймәлел сөйлей алыўды қәлесеңиз сөзлик пәтти үйрениўиңиз керек.

Сөзлик пәт дегенимиз не?

Үш сөзди алың: photograph, photographer ҳәм photographic. Олар бирдей айтылама? Яқ! Олар түлише айтылады. Себеби, бир буўын басқаларына қарағанда өзгеше айтылады яғный пәт түседи.

PHOtograph
phoTOgrapher
photoGRAPHic

Бул 2 ямаса оннан да көп буўынлы сөзлердиң ҳәммесинде ушырасады: TEACHer, JaPAN, CHINa, aBOVE, converSAtion, INteresting, imPORtant, deMAND, etCETera.

Инглиз тилиндеги қосық еситсеңиз ямаса фильмлерди тамашалағаныңызда сөзлердеги пәтке итибар бериң. Сизиң биринши қәдемиңиз еситиў ҳәм таныў. Кейин буны әмелде қоллап көриң!

2. Гәплик пәт

Бул инглиз тилин үйрениўдиң 2-алтын қағыйдасы. Гәптеги бир сөз басқаларына қарағанда өзгеше, пәт пенен айтылады. Мысалы ушын, We want to go. (Бизлер барыўды қәлеймиз.)

Бизлер ҳәр бир сөзге пәт түсирип оқыдықпа? Яқ! Бизлер пәт түсирген сөзимизди басқаларына қарағанда күшлирек оқыймыз. Бул гәптеги пәт түскен сөзлер: WANT ҳәм GO.

We WANT to GO.
We WANT to GO to WORK.
We DON'T WANT to GO to WORK.
We DON'T WANT to GO to WORK at NIGHT.

3. Тыңла! Тыңла! Тыңла!

Айырым инглиз тилин үйрениўшилер бизлер ингиз тилиндеги хабарларды еситпеймиз, олар тез сөйлейди. Бизлер түсиниўге қыйналамыз дейди. Егер сен ҳеш нәрсеге түсинбейтуғын болсаң дыққат пенен тыңлаўың керек!

Тыңлаўға қыйналсаңыз онда тәжирийбеңизди арттырың.

Сиз бөпе ўақтыңызда өзлериңиздиң тилиңизде сөйлей алатуғынбедиңиз? 3 ҳәптелигиңизде, 2 айлығыңызда ямаса 1 жасқа толғанынызда? Ҳеш нәрсеге түсинбейтуғын едиңиз. Бирақ, сиз тыңлаў арқалы ҳәмме нәрсени түсине басладыңыз. Өзиңизди ана тилиңизди үйрениў ушын күнине 24 саат, ҳәптесине 7 күн керек болды. Кейин сөйлеўди үйрендиңиз. Кейин оқыўды, соң жазыўды өзлестирдиңиз. Бирақ, тыңлаў биринши орында!

4. Тыңламаң!

Ҳәзир ғана тыңлаң деген едик, бирақ енди тыңламаң деймиз. Нени нәзер тутып атырмыз? Еситиў ҳәм тыңлаў сөзлериниң бир-биринен парқын билесизбе? Тыңлаў бул актив, еситиў бул пассив қубылыс. Сизлер арасында тыңлаўға қыйналасыз. Базы пайытлар еситиў аңсатырақ. Мейли радио арқалы, мейли дисклер аркалы. Бирақ, тыңлама. Тек есит. Ериксиз еситип, сөзлерди аңсат түсинип жетесиз. Сизиң мийиңиз еситеди, ақылыңыз тыңлайды ҳәм сиз үйренесиз!

5. Күнине 5 сөз ядлап барың.

Сөзлик бул аңсат! Бир жылда 365 күн бар. Егер сиз күнине 5 сөз ядласаңыз жылына 1,825 таза сөз ядлаған боласыз.

5 x 365 = 1,825

Бул басқада оқыў ҳәм сәўбетте болыў арқалы ядлаған сөзлериңизди есапқа алмағанда. Дәптерге ҳәр күни бес сөз жазың ҳәм соларды үйрениң! Нәтийжеде сизиң сөз байлығыңыз жүдә жақсы болады.

6. Ҳәптесине 3.5 сааттан гөре күнине 30 минут абзал.

Буны төмендеги математикалық жол менен түсиндирип беремиз:
Аз + Тез > Көп + Арасында.

Бул аңсатырақ, себеби күнине 30 минут ажыратыў көп ўақытты алмайды. Қалайынша дерсиз? Сиз 30 минут ертерек турың ямаса ярым саат азырақ аўқатланың.

7. Қайта көрип шығың! Қайта көрип шығың! Қайта көрип шығың!


Егер сиз үйренгенлериңизди қайталап турсаңыз үйренгенлериңизди 100% ядынызда калады. Бунда сиз үйренген затыңызды жазып қойыўыңыз керек. Кейин оған 3 мәрте қараң:

- 1 күннен соң
- 1 ҳәптеден соң
- 1 айдан соң


Ҳәрдайым қайталап, өзиниңизди тесттен өткерип турың
Үйрениң, қайталаң, тесттен өткериң!



Инглиз тилинен аўдармалаған: Есемуратова Сахибжамал

14-may, 2013