Sochi XXII qısqı olimpiada oyınları usı jıldın’ 23 fevral sa’nesinde juwmaqlandı. Lyuba atlı qız ashılıw saltanatında show ko’rinisleri arqalı Rossiya elin tanıstırg’an edi. Al jabılıw saltanatında Rossiya ma’deniyatı ha’m a’debiyatı, ko’rkem o’neri ken’nen tanıstırıldı. Bayram showınan son’ Olimpiada watanı bolg’an grek xalqının’ gimni aytıldı. Son’ 2018 jılı qısqı Olimpiada oyınları o’tkeriletug’ın Pxenchxan qalasına (Qubla Koreya) olimpiada bayrag’ı saltanatlı tu’rde tapsırıldı. Pxenchxan 2018 Olimpiadasının’ prezentatsiyası ko’pshilik na’zerine usınıldı. Xalqaralıq Olimpiada Komitetinin’ prezidenti Tomas Bax XXII qısqı oyınlardın’ sa’tli o’tkenin bayan etip, o’z alg’ısın bildirdi.
Jabılıw saltanatının’ son’ında olimpiada talismanları Ayu, Jolbarıs, ha’m Qoyan “Fisht” stadionının’ oraylıq maydanına shıg’ıp, ıqlasbentleri menen xoshlastı. Ayu Moskva Olimpiadasındag’ı ayıwdı eslep, Olimpiada alawın o’shirdi, ko’zine jas keldi.Usı waqıtta Edward Artyomnın’ jazg’an muzikası (Nikita Mixalkovtın’ filmine) ha’m Aleksandra Paxmutovanın’ “Do svidaniya, Moskva” qosıg’ınan u’zindiler qoyıldı. Jarqırag’an salyutler bayram keshesinde nurın shashtı. Solay etip, Rossiyadag’ı Sochi XXII qısqı Olimpiadası juwmaqlandı.
su’wretler: twitter.com
Sochi Olimpiadası saltanatlı tu’rde ashıldı
Sochi XXII qısqı olimpiada oyınlarının’ ashılıw ma’resimi saltanatlı tu’rde usı jıldın’ 7 fevral sa’nesi Moskva waqtı menen 20:14 te baslandı. Bul “2014 jıl”...
Juwsan o’simligi haqqında
Juwsan o’simligi du’nya ju’zindegi en’ paydalı o’simliklerdin’ biri. Evropada bul sho’pti artemziya dep te ataydı. Bul o’simliktin’ da’rilik qa’siyetlerin izertlegen Artemidtin’ hu’rmetine qoyılg’an. A’yyemgi...
Nawrız quwanıshları
Jan’alanıw ha’m jasarıw bayramı bolg’an Nawrız xalqımızdın’ ha’r jılı, jıl dawamında asıg’ıp ku’tetug’ın ulıwma xalıqlıq...
Nawrız bayramı qutlı bolsın
U’lkemizge kirip kelgen ba’ha’r o’zinin’ bar go’zzallıg’ı menen insanlar kewline o’zgeshe keypiyat inam etip, bayramlar ma’wsimi bolg’anlıg’ı menen de ha’miyshe asıg’ıslıq penen ku’tip...
"Qız o’sse eldin’ ko’rki"
"Qız o’sse eldin’ ko’rki", -deydi dana xalqımız. A’lbette, ata-babalarımız a’zel-a’zelden qız balanın’ ta’rbiyasına u’lken itibar berip kelgen. Ha’r bir eldin’ batır jigitleri sol...
