- Sa’lem Aydos! Qalaysan’? Bu’gin senin’ toyın’ boladı degennen keyin qolıma qa’lem alıp, sag’an xat jazayın dedim. Sebebi aldın tek meniki bolg’an edin’. Ekewmiz qanshama jazdın’ sulıw keshlerinde birge ju’rgen edik. Sen en’ birinshi gitara u’yrenip baslag’anın’da men senin’ qasın’da bolg’an edim ha’m ekewmiz birinshi ret qosıq aytqan edik.



(Usı waqıtta u’ylenip atırg’an Aydostın’ man’layınan ter burq etti. Kim ekenin tu’sine almay atırg’an shıg’ar. Al kelinshegi bolsa ashıwlana basladı, onı tu’rinen ko’riwge boladı). Esin’de me Aybektin’ u’ylengen toyına ekewmiz barg’an edik. Sol toydan keyin ekewmizdin’ aramız alıslay basladı. Sebebi sol toyda basqa birewge ashıq bolıp qaldın’.

Sol ku’nleri men seni menen baxıtlı edim. Endi mine bu’gin u’ylenip atırsan’. Ekewin’iz baxıtlı bolın’, balaların’ız ko’p bolsın! Endi mag’an heshqashan qaytpa, men seni umıtaman, sende meni umıt. Tek bir o’tinishim, men qapı jaqta tur edim (toyg’a kelgen ha’mmemiz qapı ta’repke qaradıq, qaysı qız eken dep). Mag’an son’g’ı ma’rte ornın’nan turıp qolın’dı ko’terip xoshlas, o’tinish. (Aydos ornınan turıp xoshlastı.)

Raxmet Aydos, kelinshegin’ menen baxıtlı bol. Jaqsı tilek penen: Senin’ boydaqlıq da’wirin’.


Tayarlag’an: Qonıs Sh.