Nokia ендигиден былай Android смартфонларын шығарады. Жақында Nokia өзиниң дәслепки N1 Android-планшетин ислеп шығарды. Бул ҳаққында финляндиялық компанияның рәсмий сайты хабарлады.

N1 планшети ҳәзирше көпшиликке белгисиз болғаны менен, фирмалық логотип пенен саўдада жақсы сатылыўы мүмкин. Бул планшет 2015 жылдың басында Қытайда сатыўға шығарылады. Планшетти қурастырыў ҳәм оның Қытай аймағында сатыў менен Foxconn компаниясы шуғылланады.

Усыдан алты ай алдын Microsoft басқарыўынан кеткен мобиль бизнес енди өз абройын қайта тиклеўди режелестирмекте. Nokia Technologies компаниясының баслығы Себастьян Нистром (Sebastian Nystrom) ендигиден былай Nokia планшетлериниң санының көбейиўине кәмил исенеди.

Еслетип өтемиз, Nokia компаниясы өз мобил бизнесин Microsoft компаниясына сатып жиберген еди. Соң финляндиялық бренд тек қолланыўда жүрген фирмалық гаджетлерди оңлаў менен шуғылланды. Деген менен компанияның брендлик лицензиясын тиклеў мақсетинде финляндилық басшылар Microsoft пенен өз-ара келисимге келип, жеке өним шығарыў мүмкиншилигине ийе болды.

Соның менен бир қатарда, Nokia компаниясы Networks (internet), Enterprise (жаңа бизнес) ҳәм Technologies (гаджетлер) деген үш тараўлық бизнести раўажландырыўды жолға қоймақшы. Дурыс, себеби соңғы жыллары компания бизнесте жүдә төмен нәтийжеге ерискен еди. Енди Nokia бизнес модулин қайта қурып, өз брендтин қайтадан тиклейди.


дерек көзи: www.dailymobile.net