Bunday halat ha’r birimizde bolıwı mu’mkin. Bunday jag’daylarda ne qılıwımızg’a boladı? En’ da’slep telefondı suwdan shıg’arıp alıw kerek, sebebi ishki bo’legine suw kirip u’lgermegen bolıwı mu’mkin. Degen menen, telefon qurg’aq bolmag’ansha onı iske qospag’an maqul.

Sonlıqtan to’mendegishe ilajlardı qollanıw kerek:

1. Batareyasın alıp taslaw. Sonday-aq batareyanın’ qasında kishi aq qag’az boladı. Suw tiygen jag’dayda ol qızg’ısh ren’ge boyaladı. Usı qag’az arqalı telefong’a suw kirgen yamasa kirmegenin anıqlawg’a boladı.

2. SIM-kartanı alıp taslaw kerek. Sonın’ menen bir qatarda telefong’a qosılg’an basqada qurılmalardı ajıratıw kerek.

Endi keptiriwge kiriseyik:

1. Qurg’aq, ıg’al tartıwshı shu’berek penen su’rtiw kerek. Telefondı shayqaw za’ru’r emes, sebebi suw basqa ta’repine o’tip ketiwi mu’mkin.

2. Shan’sorg’ıshtı paydalanıp ko’riwge de boladı, ol ıg’aldı tartıp aladı. Biraq telefonnın’ basqa bo’lsheklerin tartıp alıwı mu’mkin, sonlıqtan olardın’ bekkem ornatılg’anın tekserip ko’riw kerek.
Esletpe: Shash keptirgishti qollanban’! Ol keptiriwdin’ ornına, suwdı iyterip, keptiriwge keri ta’sir etiwi mu’mkin. Sonday-aq telefondı qızdırıp jiberse, qurılmalar buzılıwı mu’mkin.

3. Telefondı bir ku’n gu’rishke salıp qaldırıw. Gu’rish ıg’aldı sin’irip, telefonın’ızdı keptiredi.
Telefonın’ız kem degende bir ku’nnen keyin g’ana iske qosıwg’a boladı.


Bekan tayarladı, su’wret: picsfab.com